Xəbər Lenti

İnfoqrafika

Arxiv

Yazar

03 İyun

2018
16:00
3129
Ağsudakı nekropolda yeni arxeoloji tədqiqatlar aparılıb-FOTOLAR

AMEA-nın müxbir üzvü Vəli Əliyevin rəhbərlik etdiyi Nərgizava ekspedisiyası 2018-ci ilin mayında Ağsu rayonunun Gəgəli kəndində yerli sakin Sahib Mirzəyevin həyətində 70 kvadratmetr sahədə arxeoloji kəşfiyyat qazıntısı aparıb.

Qazıntı zamanı 40 santimetr dərinlikdən başlayaraq şum işləri zamanı dağılmış təbəqənin qarışıq materialları və insan skeletlərinin qalıqları üzə çıxıb. 80 santimetr dərinlikdən başlayaraq qəbirlərdə yaxşı qalan skeletlər və ətrafına qoyulmuş saxsı məmulatı, eləcə də metal əşya və bəzək nümunələri aşkar olunub. Ümumilikdə indiyə qədər 25 qəbir qeydə alınıb, onların bəzilərində bir neçə skeletə rast gəlinib.

Tarix üzrə fəlsəfə doktoru Fariz Xəlilli bildirib ki, Nərgizava abidəsi Azərbaycan tarixinin eramızdan əvvəl III və eramızın III əsrlərində Qafqaz Albaniyasının ellin-antik dövrlərinə dair bilgilər verir. Abidənin qəbirləri pilləli şəkildə dəfnlə xarakterizə olunur. Qəbirlərin skeletinin vəziyyəti sıx və zəif bükülü, başının istiqaməti əsasən şimal-qərbə, sağ böyrü üstə, üzü cənub-şərqə olub, ayaq və baş ucuna nərgizava tipli dördqulplu saxsı maye qabı və digər saxsı su və yemək qabarı qoyulub. Bütün qablar ellin dövrünə xas olan qırmızı oxra ilə rənglənib. Skeletlərin ətrafından müxtəlif rəngləri olan çaxmaqdaşılar da götürülüb. Dəmirdən xəncər, bıçaq, ox ucluqları və nizə ucluqları aşkar olunub. Əksər skeletlərin üzərində ocaq qalanması ayininin izlərinə rast gəlinib. Antropoloq Vüsal Həsənov qeyd edir ki, skeletlərin bəzilərində xəstəlik izləri də müşahidə olunur. Qazıntının genişləndirilməsi və dərinləşdirilməsi bu skeletlərin bir-biri ilə əlaqəsini üzə çıxaracaq. Altı yerdə qəbirlərin aralarındakı məsafə 40-60 santimetr olmaqla pilləlidir.

Tunc kəmər başlıqları öz bədii gözəlliyi ilə seçilir. İnsan və heyvan təsvirli belə kəmər və toqqa başlıqları Nərgizava abidəsi üçün səciyyəvidir. Qazıntı zamanı 9 saylı qəbirdən bir ədəd Parfiya sikkəsi də üzə çıxıb.

Qeyd edək ki, qazıntı mövsümündə Gəgəli kəndinin yaxınlığındakı Yasamal qobusunun kənarında 20 kvadratmetr sahədə yaşayış yerinin üzə çıxarılması istiqamətində də işlər görülüb. Həm nekropolda, həm də ehtimal olunan yaşayış yerində işlər hələ sona çatdırılmayıb. İşlərin yekunlaşdırılması üçün Arxeologiya və Etnoqrafiya İnstitutunun Nərgizava ekspedisiyasının yenidən ezam olunması nəzərdə tutulur./Azərtac

Məqalədə : arxeoloji qazıntılar 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycanın xarici dövlət borcu açıqlanıb

23

Avqust
14:39
İQTİSADİYYAT
122

Mərdəkan körpüsündən avtomobil aşıb

23

Avqust
14:18
HÜQUQ,HADİSƏ
72

Ramanada quru ot sahəsi yanır

23

Avqust
14:17
HÜQUQ,HADİSƏ
55

Günün qarşılaşmaları TV AFİŞA

23

Avqust
14:15
İDMAN
53

Deputat oğlunu həbsdən çıxartdırmaq istəyir

23

Avqust
12:48
HÜQUQ,HADİSƏ
152

Sabahın hava proqnozu açıqlanıb

23

Avqust
12:31
ÖLKƏ
167

Klublarımızın yay transferləri

23

Avqust
11:32
İDMAN
107

Hacıqabulda mikroavtobus qəzaya düşdü - 8 yaralı

23

Avqust
11:07
HÜQUQ,HADİSƏ
114

Bağdadi öz varisini təyin edir

23

Avqust
10:59
DÜNYA
192

Rusiyanın cənubunda ölümcül xəstəliklər yayılıb

23

Avqust
10:39
AİLƏ, SAĞLAMLIQ
126
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-08-2019 15:14



  (+994 55) 786-96-84

  [email protected]

Valyuta.com

Рейтинг@Mail.ru