Bir nömrəli terrorçu Usama bin Ladeni zərərsizləşdirmək üçün Vaşinqtona kömək edən həkim Şakil Afridinin Pakistan həbsxanasından qaçırılması üzrə MKİ-nin keçirdiyi əməliyyat uğursuzluqla nəticələnib. FaktXeber.com-un verdiyi məlumata görə, bu barədə RİA Novosti-yə adının çəkilməsini istəməyən iki mənbə xəbər verib.

«MKİ həkim Şakil Afridini Pişəvar həbsxanasından çıxarılması üçün qaçışını təşkil etməyə çalışıb, lakin ISI (Pakistanın  Qurumlararası Kəşfiyyat İdarəsi) bunun qarşısını alıb», - deyə mənbədən bildirilib.

Onun sözlərinə görə, bu barədə məlumatı  həm MKİ-yə, həm də  Pakistan kəşfiyyatına işləyən yerli informator verib.

Adının çəkilməsini istəməyən ikinci mənbə bu məlumatı təsdiqləyib.

Birinci mənbə bildirib ki, ABŞ bundan əvvəl də Afridinin verilməsi ilə əlaqədar Pakistana müraciət etmişdi. «Bu, Trampın Pakistandan tələblər siyahısında əsas məsələlərdən olub», - deyən mənbə ABŞ-Pakistan  münasibətlərinin də həm də buna görə gərgin olduğunu deyib.

Cümə günü  mənbələrdən biri bildirib ki, 2017-ci ilin dekabr ayında hazırlanan qaçış planı ilə əlaqədar Afridi Peşəvar həbsxanasından çıxarılaraq başqasına köçürülüb.

Qeyd edək ki, «bir nömrəli terrorçu»nun həbsi müqabilində həkimin 10 min dollar aldığı barədə məlumatlar var.

Şakil Afridi Amerika xüsusi təyinatlılarının sifarişi ilə «Əl-Qaidə» liderinin ailə üzvlərinin DNT nümunələrini götürmək məqsədiylə Abbottabad sakinlərinin  yalançı vaksinasiyasını təşkil etməklə dövlətə xəyanətdə ittiham edilib. O, 33 il müddətinə azadlıqdan məhrum edilib.