Macarıstanın xarici işlər və ticarət naziri Piter Szijjarto Avstriya prezidenti Aleksandr Van der Bellenin macar əsilli amerikalı iş adamı Corc Soros və qaçqınların tərəfini saxladığını irəli sürüb. FaktXəbər bildirir ki, bu barədə macarıstanlı nazir "MTİ" agentliyinə müsahibəsində danışıb.
 
Piter Szijjarto qeyd edib ki, Van der Bellen qaçqınlarla dolu Avstriya istəsə də, Macarıstan hökuməti sülh və təhlükəsizlik içində yaşayan və macar ailələr üzərində qurulmuş bir ölkənin tərəfdarıdır.

O, həmçinin əlavə edib ki, Macarıstan hökuməti Sorosu ölkəsindən qoruyur: "Soros avropalıları təmsil etmir. O, qaçqınları və xüsusilə də öz mənafeyini ön planda tutur".

Xatırladaq ki, Macarıstan hökuməti Corc Sorosu maliyyələşdirdiyi qeyri-hökumət təşkilatları vasitəsilə ildə 1 milyon qaçqını Avropaya gətirməkdə ittiham edir. Bununla əlaqədar Soros əleyhinə ölkədə kampaniya da başladılıb. Hökumət həmçinin qanunsuz miqrasiyanın qarşısını almaq üçün "Sorosu dayandır" adlı qanun layihəsi də hazırlayıb.

• Sorosun Macarıstandan qovulması rəsmiləşdi