İslam dininin buyurduqlarını yerinə yetirməmək üçün həm özümüzü, həm də ətrafımızı aldatmaq üçün ağlımız çatan hər cür hiyləgərliyə can atırıq. Amma Allahın açıq-aydın əmr və dəlilləri qarşısında kor, kar və dilsizik. Allahın bütün xəbərdarlıqlarına baxmayaraq, şeytanın yolu ilə gedirik. İnsan olaraq bizi Yaradana özümüzü bəyəndirmək əvəzinə, Allahdan başqa hər kəsə özümüzü bəyəndirmək dalıyca düşmüşük. 

29- DİN HƏR ZAMAN CƏZADAN DANIŞIR

Bəzi insanlar dini göstərişləri nəzərə almamasına və ya başqa bir ifadə ilə desək, Quranı oxumamasına səbəb kimi Quran ayələrinin davamlı olaraq cəhənnəm və cəza barədə danışdığını irəli sürürlər. Bu kimi iddiaların bir səbəbi məlumatsızlıqdırsa, digəri səbəb də qeyri-səmimilikdir.

Bunların hər ikisi insanlarda tarazlıq yaratmaq üçün təqdim edilir. Çünki hər kəsin başa düşəcəyi dil eyni deyil. Bəziləri sevgi və şükrün ön plana çıxarıldığı münasibətlə qane olur, Allahın əmr və qadağalarına hörmətlə yanaşır, bəzi insanları isə, ancaq cərimə və təhdid ilə xətalardan uzaqlaşdırmaq mümkündür.

Allahın rəhmət və mərhəməti çox böyükdür. Bəndələrini bağışlamaq istədiyi üçün onlara xəbərdarlıqlar etməsinin səbəbi də rəhmətinin böyüklüyünə görədir. Quranda cəza xəbərdarlığından daha çox Allahın razılığı və cənnət müjdəsi yer alır. Bu isə inananlar üçün çox böyük motivasiya mənbəyidir.

Amma bir çox insan Allahın ayələrindən xəbərsiz olduqları üçün bütün dini məsələlərdə olduğu kimi, bu məsələyə də qərəzlə yanaşırlar. “Rəbbi onları Öz tərəfindən bir rəhmət və razılıqla və içərisində onlar üçün sürəkli və daimi nemət olan Cənnətlərlə müjdələyir.” (“Tövbə” surəsi, ayə 21)