FaktXeber.com-un məlumatına görə, Yəmən Ordusu və husilər Səudiyyə Ərəbistanına daha bir raket atıb. Yerli mənbələr bildirirlər ki, hədəf Riyaddakı hava limanı olub.

Qeyd edək ki, Səudiyyənin başçılıq etdiyi koalisiya qüvvələrinə məxsus təyyarələr 2015-ci ildən Yəmən ərazisinə avia zərbələr endirir.  Nəticədə ölkədə humanitar böhran yaranıb. Nəticədə milyonlarla insan evlərini itirib, yüz minlərlə insan ölüb və yaralanıb. Sakinlər bir tərəfdən Səudiyyənin bombardmanından, bir tərəfdəndə də aclıq, susuzluq və vəba epidemiyasından əziyyət çəkir.

BMT Uşaq Fondu YUNİSEF-in Yaxın Şərq və Şimali Afrika direktoru Gert Kappelaere Yəmən müharibəsində indiyədək 5 min uşağın öldüyünü açıqlayıb.

FaktXəbər-in məlumatına görə, o, Yəməndə hər gün 130-dan çox uşağın aclıq və ya xroniki xəstəlikdən dünyasını dəyişdiyini söyləyib.

Uşaqların Beynəlxalq Mühafizə Təşkilatı da bu kontekstdə yaydığı hesabatda belə deyib: "Səudiyyə Ərəbistanının Yəmənə sırıdığı blokadanın davam etməsi, yəmənli uşaqlar arasında ölümlərin daha da artmasına səbəb olacaq. 11 milyonu uşaqlardan ibarət 20 milyon yəmənli humanitar yardıma möhtac şəkildə yaşayır və bu ölkədəki vəziyyət, dünya miqyasında ən faciəvi humanitar faciədir."

Ümumdünya Səhiyyə Təşkilatı və YUNİSEF-in birgə bəyanatına görə, hazırda 150 min yəmənli uşaq aclıqla üz-üzədir və vəziyyətə müdaxilə edilməsə, sözügedən uşaqlar arasında ölüm halları artacaq.