Koreya Xalq Demokratik Respublikasında (KXDR) təhlükəli A qripi virusu (H1N1) qeydə alınıb. FaktXəbər-in verdiyi məlumata görə, bu barədə "YONHAP" agentliyi Beynəlxalq Qızıl Xaç və Qızıl Aypara Komitəsinin hesabatlarına istinadən məlumat yayıb.

Bildirilir ki, indiyədək xəstəlik nəticəsində dörd nəfər həyatını itirib. Ümumilikdə isə ölkədə 81 min vətəndaş A qripi virusuna yoluxub.
 
KXDR-in səhiyyə nazirinin müavini də ölkədəki epidemioloji vəziyyət barədə Ümumdünya Səhiyyə Təşkilatının Pxenyandakı şöbəsinə məlumat verib.
 
Qeyd edək ki, "H1N1" virusu Birləşmiş Ştatlarda 37 uşağın həyatına son qoymuşdu.