Koreya Xalq Demokratik Respublikasının (KXDR) kəşfiyyatı tərəfindən yaxınları oğurlanmış yapon ailələri Şimali Koreya lideri Kim Çen Inı Haaqa tribunalına verəcək. FaktXəbər-in verdiyi məlumata görə, bu barədə "Kiodo" agentliyi məlumat yayıb.

Yaxın qohumları oğurlanmış Yaponiya vətəndaşları bildiriblər ki, Şimali Koreya liderinin bu vəziyyətin nizamlanması planında fəaliyyətsizliyi insan hüquqlarının pozulmasına bərabər tutulmalıdır.

Yaponiya Nazirlər Kabinetinin baş katibi Esixide Suqa deyib ki, ölkə rəhbərliyi bu təşəbbüsdən xəbərdardır və yapon vətəndaşları vətənlərinə qaytarmaq üçün əlindən gələni edir.

Qeyd edək ki, 1970-ci illərdə Şimali Koreya kəşfiyyatının yaponları oğurlaması iki ölkə arasında münasibətləri gərginləşdirən ən kəskin məsələlərdən biridir. KXDR hökuməti ilk dəfə 2002-ci ildə yalnız 13 nəfərin oğurlanması faktını təsdiqləyib.