Xəbər Lenti

İnfoqrafika

Arxiv

Yazar

02 Yanvar

2018
11:20
1725
Trampın ittihamlarına Pakistan, `Daha bəsdir!`, - dedi

ABŞ prezidenti Donald Tramp ABŞ-ın Əfqanıstanda arxasınca olduğu terrorçulara Pakistanın sığınacaq verdiyini iddia edib.

FaktXəbər-in məlumatına görə, Tramp "Twitter" hesabından paylaşdığı mesajda, ölkəsinin son 15 ildə Pakistana 33 milyard dollar yardım etdiyini bildirib.

ABŞ prezidenti mesajında, "onlar isə liderlərimizin axmaq olduğunu düşünərək, bizə yalanlar və hiyləgərlikdən başqa bir şey vermədilər. Əfqanıstanda arxasınca olduğumuz terrorçulara təhlükəsiz bölgə verirlər. Daha bəsdir", - ifadələrindən istifadə edib.

Əfqanıstanın Vaşinqtondakı səfiri Həmdullah Mohib də Trampın paylaşımını məmnunluqla qarşıladıqlarını bildirib.

Mohib açıqlamasında ABŞ prezidentinin Pakistandakı terrorçuların əlində çox əzab çəkən əfqanlar üçün ümidverici mesaj verdiyini müdafiə edib.

Xatırladaq ki, ABŞ rəhbərliyinin 19 dekabr 2017-ci ildə açıqladığı Milli Təhlükəsizlik Strategiyası sənədində "terror təşkilatlarının Pakistan ərazisində fəaliyyət göstərdiyi" iddiaları yer almışdı. Pakistan rəhbərliyi isə bu iddaların tamamilə əsassız olduğunu vurğulayaraq, onu qəti şəkildə təkzib etmişdi.

Trampın bu açıqlaması da Pakistan tərəfindən sərt şəkildə qınanıb. 

XİN rəhbəri Khavaja Asif yerli televiziyaya açıqlamasında Trampın iddalarının həqiqəti əks etdirmədiyini bildirib.

Asif, ABŞ ordusunun Pakistan ərazilərini Əfqanıstanda öz maraqlarına xidmət etməsi üçün istifadə etdiyini vurğulayıb:

"ABŞ-ın son 15 ildə Pakistana verdiyi pullar ölkəmizin təqdim etdiyi xidmətlər üçündür, bunu xeyriyyəçilik məqsədilə etməyiblər. Tramp Əfqanıstandakı uğursuzluqlarına görə bizi deyil, buna səbəb olanları günahkar bilməlidir. ABŞ yardımının detallarını və harada, nə şəkildə istifadə edildiyini açıq iclaslarda paylaşmağa hazırıq".

Donald Trampın "Daha bəsdir!" ifadəsinə də əhəmiyyət vermədiklərini vurğulayan Asif, özlərinin Ağ Evə onsuz da "Daha bəsdir!" dediklərini söyləyib.

Məqalədə : Tramp Pakistan 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-04-2018 07:50

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com



Рейтинг@Mail.ru

DMCA.com Protection Status