Özbəkistan dövləti rəhbər vəzifədə təmsil olunan şəxslərə məddahlıq edilməsini qadağan edir

Əgər bu baş tutarsa, Özbəkistan bütün Mərkəzi Asiyada istisna olacaq.

Hakimiyyət orqanları elan ediblər ki, rəsmiləri mədh edən mahnıları oxuyan və onları yazanlara qarşı ağır cərimələr tətbiq olunacaq və hətta lisenziyaları əllərindən alınacaq.

Bu barədə bəyanat Özbəkistanın əyləncə sənayesinə rəhbərlik edən Özbəkkonsert trestinin iyunun əvvəllərində keçirilmiş iclasında verilib.

Təşkilatın rəhbəri Azamat Haydarov internetlə yayılan müraciətində deyib: “Ayrı-ayrı fərdlərə, dövlət başçılarının fəaliyyətinə kliplər qoşmaq etikasızlıqdır”.

Bu bəyanatdan az əvvəl bir özbək müğənni qadın yeni prezident Şavkat Mirziyoyevə həsr olunmuş mahnını oxuyandan sonra tənqid olunmuşdu.

49 yaşlı müğənni və aktrisa Dilfuza İsmoilovanın musiqi videosunda belə sözlər səslənirdi: “Qoy bu torpağın sultanı şərəflənsin”. Mahnı Youtube-da mayın 21-də yerləşdirilmişdi, lakin sonradan onu siliblər.

Mahnının sözlərində Mirziyoyev “gözəl sultan”, “Allahın yerdəki kölgəsi” və “sevilən məxluq” adlandırılır. 

(azadliq.org)