Qobustan Qapalı Həbsxanasında keçirilən məhkəmə zamanı Mövsüm Səmədovun vəkili Yalçın İmanov hakim Rəşad Məmmədova vəsatətləri təqdim edib. Vəsatətlərdə M.Səmədovun səhhəti ilə əlaqədar qapalı tipli cəzaçəkmə müəssisəsinə göndərilməməsi və işə həbsxanda deyil, Qaradağ Rayon Məhkəməsində baxılması qeyd edilib.

Hakim R.Məmmədov qərar üçün növbəti məhkəmə prosesini 14 iyun 12:00-a Qaradağ Rayon Məhkməsinə təyin edib.

***

Ötən həftə AİP lideri Mövsüm Səmədovun Qobustan qapalı tipli təcridxanaya göndərilməsi ilə bağlı məhkəmə prosesinin bu gün keçirilməsi barədə qərar verilmişdi. Dövlət ittihamçısı həmin məhkəmə prosesində M.Səmədova 3 il cəza istəsə də, hakim prosesi bu günə təxirə salmışdı. 

Hazırda Qobustan qapalı həbsxanasında Səmədovun vəkili Yalçın İmanovun iştirakı ilə məhkəmə prosesi keçirilir.

AİP-in sədr əvəzi Hacı İlham Əliyev və bir bir neçə partiya funksioneri də həbsxana qarşısında məhkəmənin qərarını gözləyirlər.  

Qeyd edək ki, M.Səmədov varikoz xəstəliyindən əziyyət çəkir və səhhətindəki problemlər onun qapalı tipli müəssisədə cəza çəkməsinə imkan vermir.