Xəbər Lenti

İnfoqrafika

Arxiv

Yazar

06 Aprel

2017
16:17
`Kreditlərin ayrılmasına göstəriş Cahangir Hacıyev tərəfindən verilib`

Bu gün Bakı Ağır Cinayətlər Məhkəməsində "Azərbaycan Beynəlxalq Bankı" ASC-dən kredit götürüb qaytarmamaqda təqsirləndirilən sabiq deputat Dünyamin Xəlilov və digərlərinin cinayət işi üzrə məhkəmə prosesi davam etdirilib.

Proses hakim Əhməd Quliyevin sədrliyi ilə keçirilən prosesdə şahid qismində Əsgər Məmmədov ifadə verib.

O, ibtidai istintaqa verdiyi ifadəsini təsdiq edib. Ə. Quliyev Beynəlxalq Bankın İdarə Heyətinin sədr müavini vəzifəsində çalışdığını, kreditlərin bank rəhbərliyinin göstərişi ilə ayrıldığını deyib: "Dünyamin Xəlilovun şirkətlərinə kredit ayrılmasına Emin Mustafayev göstəriş verib. Beynəlxalq bankın xaricdə olan layihələri barədə isə məlumatsızam. Mən bundan sonra xəbər tutdum".

Şahid qismində ifadə verən Fuad İslamov qeyd edib ki, hazırda Beynəlxalq Bankın baş direktoru vəzifəsində çalışır: "Mən o vaxt bankda kredit komitəsinin üzvü idim və komitənin qərarlarına imza atırdım. Həmin vaxt qanunsuzluq etdiyimizi bilmirdik. Kredit Komitəsinin sədri Emin Mustafayev sənədləri hazırlayıb, bizə göndərirdi və biz də imza atırdıq. Kredit Komitəsinin sədri bizə deyirdi ki, tapşırıq gəlib və buna imza atılmalıdır. Göstəriş İdarə Heyətinin sədri tərəfindən verilirdi. Verilən hər bir kredit hansısa layihələrə əsaslanırdı. 2012-ci ildə Dünyamin Xəlilova məxsus şirkətlərə ümumilikdə 4 milyona yaxın kredit verilməsi ilə bağlı kredit komitəsinin qərarlarını imzalamışam".

Digər şahid Viktoriya Xəlilova bildirib ki, Dünyamin Xəlilova məxsus şirkətlərdə baş mühasib vəzifəsində çalışdığını, sənədləri D. Xəlilovun göstərişi ilə hazırladığını bildirib.

Məhkəmə prosesi aprelin 13-də davam etdiriləcək.

Qeyd edək ki, 2015-ci ilin yayından Beynəlxalq Banka kredit borcları olan şəxslərin həbsinə başlanılıb. Bu məsələ ilə bağlı bir çox iş adamı saxlanılıb. "Globus Plaza"nın sahibi olan D. Xəlilov da dələduzluqda təqsirli bilinir. O, ötən ilin fevralında Daxili İşlər Nazirliyi Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdiyi əməliyyat zamanı saxlanılaraq, Nərimanov Rayon Məhkəməsinin qərarı ilə barəsində həbs qətimkan tədbiri seçilib. D. Xəlilov Cinayət Məcəlləsini 178.3.2-ci (dələduzluq, külli miqdarda törədildikdə) maddəsi ilə ittiham olunur.

Digər təqsirləndirilən şəxslər isə Fərhad Əmiraslanov, Seyfulla Seyfullayev, Şakir Musayev, Ruslan İsmayılov, Mənsur Zeynalov, Rauf Əliyevdir. Dünyamin Xəlilovdan başqa digərlərinin barələrində həbs qətimkan tədbiri seçilməyib. Onlar ümumilikdə 50 milyon manat mənimsəməkdə təqsirləndirilirlər.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Fevralın 26-na manatın məzənnəsi

25

Fevral
17:52
İQTİSADİYYAT
253

Misirin diktatoru öldü

25

Fevral
15:08
DÜNYA
448
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-02-2020 02:49



  (+994 55) 786-96-84

  [email protected]

Valyuta.com

Рейтинг@Mail.ru