İslam dininin buyurduqlarını yerinə yetirməmək üçün həm özümüzü, həm də ətrafımızı aldatmaq üçün ağlımız çatan hər cür hiyləgərliyə can atırıq. Amma Allahın açıq-aydın əmr və dəlilləri qarşısında kor, kar və dilsizik. Allahın bütün xəbərdarlıqlarına baxmayaraq, şeytanın yolu ilə gedirik. İnsan olaraq bizi Yaradana özümüzü bəyəndirmək əvəzinə, Allahdan başqa hər kəsə özümüzü bəyəndirmək dalıyca düşmüşük. 

19- ALLAHA ŞÜKÜR BİZ DƏ MÜSƏLMANIQ

Xalq arasında ən çox təkrarlanan cümlələrdən biri də budur. Amma təəssüf ki, bu sözü adətən səhv bir davranış qarşısında xəbərdarlıq etdiyiniz adamlardan eşidirsiniz. "Qardaşım bu etdiyin dini cəhətdən günahdır", - dediyiniz dostunuz, ya da "iş ibadətdən əvvəldir”, “indi işim var, namazı axşam evə gedəndə qılaram" cümlələrini söyləyən adamlar "Amma" ilə başlayan cümlə qurmağınıza imkan vermədən dərhal da özlərini bu müdafiəyə başlayırlar: "Biz də müsəlmanıq, nə olduğunu bilirik". Halbuki hamımızın müsəlman olması heç kəsin arqumentlərini haqlı çıxarmır.

Amma təkcə inanmaq kifayət deyildir. İnancın tələblərini yerinə yetirmək lazımdır. “Məgər insanlar «İman gətirdik» – demələri ilə onlardan əl çəkilib (əməlləri ilə daha) imtahan olunmayacaqlarınımı sanırlar?!” (Ənkəbut, 2)

İnsanların bəhanələri və dini tələbləri yerinə yetirməməsi üçün gətirdikləri arqumentlər heç zaman bitmir. Şübhəsiz, insanıq və hamımız səhvlər edirik, amma əgər bir səhvimiz varsa, müsəlman olduğumuzu səhvimizə qalxan edə bilmərik. Əksinə, özümüzü aldatmağı kənara qoyub, müxtəlif bəhanələrin arxasında gizlənməməliyik və səhvimizi qəbul edərək nümunəvi inanclıya yaraşacaq şəkildə davranmalıyıq. Məhz o zaman əmin şəkildə, "Allaha şükür, biz də müsəlmanıq", - deyə bilərik.