İslam dininin buyurduqlarını yerinə yetirməmək üçün həm özümüzü, həm də ətrafımızı aldatmaq üçün ağlımız çatan hər cür hiyləgərliyə can atırıq. Amma Allahın açıq-aydın əmr və dəlilləri qarşısında kor, kar və dilsizik. Allahın bütün xəbərdarlıqlarına baxmayaraq, şeytanın yolu ilə gedirik. İnsan olaraq bizi Yaradana özümüzü bəyəndirmək əvəzinə, Allahdan başqa hər kəsə özümüzü bəyəndirmək dalıyca düşmüşük. 

8- ƏMRLƏRİNİ YERİNƏ YETİRƏ BİLMİRƏM, AMMA ALLAHI ÇOX SEVİRƏM

Bəzi insanlarla danışdıqda həyatlarında dini əməllərə qarşı heç bir şeyin olmadığı, ancaq Allahı çox sevdiklərini söylədikləri görülür. Həqiqətən, bəndə Allahın könüldən sevməsi çox əhəmiyyətlidir. Ancaq bəzən bu anlayış insanın özünü aldatmasına səbəb olur.

Dində sevgi də var, tolerantlıq da var, Allahın Quran ayələri ilə müəyyən etmiş olduğu əmr və qadağalar da var. "Mən yalnız Allahı sevirəm, bu da mənə kifayətdir" anlayışında olmaq Quranda təsvir edilən inanan profilinə uyğun deyil. Heç şübhəsiz inananlar Allaha sevgidə daha güclüdür: “İnsanların bəziləri Allahın yerinə (bütlərdən, ulduzlardan və cinlərdən) şəriklər seçərək onları Allahı sevməli olduqları kimi sevərlər. Lakin iman gətirənlərin Allaha olan məhəbbətləri (onların öz məbudlarına olan məhəbbətlərindən) daha çoxdur.” (Bəqərə, 165)

“Möminlər yalnız o kəslərdir ki, Allah zikr olunduqda qəlbləri qorxar, Onun ayələri onlara oxunan zaman imanlarını artırar və daim öz Rəbblərinə təvəkkül edərlər.” (Ənfal, 2)

“O kəslərə ki, Allah yad ediləndə (Onun adı çəkiləndə) qəlbləri qorxuya düşür, üz verən (çətinlik)lərə səbir edir, namaz qılır və verdiyimiz ruzidən (Allah yolunda) xərcləyirlər.” (Həcc, 35)

Ayələrdən də göründüyü kimi, inanan insanların Allahın ayələrinə də, Allaha olan qulluq vəzifələrinə də laqeyd qalması müzakirə mövzusu belə deyil. Həqiqi sevgi həqiqi təslimiyyətlə, yəni təslimiyyətin ürəkdən və səmimi şəkildə ifadəsi ilə mümkün ola bilər.