FaktXeber.com-un verdiyi məlumata görə, Kolumbiyada 1964-cü ildən bəri hökumətə qarşı savaş açmış FARK üsyançıları silahlarını yerə qoymuşdular. BMT baş katibinin də qatıldığı sülh sazişini prezident Xuan Manuel Santos və Timuşenku ləqəbi ilə tanınan FARK üsyançılarının rəhbəri Rodriqo Londono imzalamışdı. Anlaşmaya əsasən bundan sonra FARK ölkədə siyasi partiya kimi fəaliyyət göstərəcək. Bu münasibətlə Avropa Birliyi FARK-ı terror qruplaşmaları siyahısından çıxarıb.

Kolumbiya prezidenti Xuan Manuel Santos, FARC ilə imzalanmış sülh müqaviləsinin referendumda rədd edilməsindən sonra müxalifət ilə müzakirə etmək üçün yüksək səviyyəli hökumət rəsmilərindən ibarət bir heyət hazırladı. Referendum nəticəsində kolumbiyalıların bir hissəsinin müqavilə çərçivəsində FARK üzvlərinin əfv edilməsinə sərt qarşılıq verdi.

Bazar günü keçirilən referendumda təxminən 54 min səs fərqlə, 50.24 faizlik səsvermə ilə müqavilə rədd edilmişdi.

Bu gün Kolumbiya prezidenti Santos, hökumət qüvvələri ilə FARK arasında atəşkəsin oktyabr ayının 31-də başa çatacağını açıqlayıb. 0 televiziya vasitəsi ilə xalqa müraciət edib.
 
Referandumdan sonra atəşkəsə sadiq qalacaqlarını elan edən FARK üsyançıları isə  prezidentin son bəyanatına cavab olaraq bildirib ki, bundan sonra nə olacaq? Müharibə davam edəcəkmi?

Qeyd edək ki, müqaviləyə görə, FARK üzvlərinə geniş miqyaslı əfv düşür. Sadəcə, qırğın, işgəncə və təcavüz kimi cinayətləri törədənlər bundan yararlana bilməyəcək. Müqavilənin qüvvəyə minməsi üçün referendumda xalqın razılığı lazım idi.