FaktXeber.com-un verdiyi məlumata görə, Kolumbiyada 1964-cü ildən bəri hökumətə qarşı savaş açmış FARK üsyançıları silahlarını yerə qoymuşdular. BMT baş katibinin də qatıldığı sülh sazişini prezident Xuan Manuel Santos və Timuşenku ləqəbi ilə tanınan FARK üsyançılarının rəhbəri Rodriqo Londono imzalamışdı. Anlaşmaya əsasən bundan sonra FARK ölkədə siyasi partiya kimi fəaliyyət göstərəcək. Bu münasibətlə Avropa Birliyi FARK-ı terror qruplaşmaları siyahısından çıxarıb.

Kolumbiya prezidenti Xuan Manuel Santos, FARC ilə imzalanmış sülh müqaviləsinin referendumda rədd edilməsindən sonra müxalifət ilə müzakirə etmək üçün yüksək səviyyəli hökumət rəsmilərindən ibarət bir heyət hzırladı. Referendum nəticəsində kolumbiyalıların bir hissəsinin müqavilə çərçivəsində FARK üzvlərinin əfv edilməsinə sərt qarşılıq verdi.

Bazar günü keçirilən referendumda təxminən 54 min səs fərqlə, 50.24 faizlik səsvermə ilə müqavilə rədd edilmişdi.

Referendumda "yox" kampaniyasına rəhbərlik edən keçmiş prezidenti və senator Alvaro Uribe hakimiyyət rəsmiləri ilə toplantıda iştirak etməyib. Ancaq hökumətlə danışıqlar aparması üçün üç müzakirəçi göndərib.


Qeyd edək ki, müqaviləyə görə, FARK üzvlərinə geniş miqyaslı əfv düşür. Sadəcə, qırğın, işgəncə və təcavüz kimi cinayətləri törədənlər bundan yararlana bilməyəcək. Müqavilənin qüvvəyə minməsi üçün referendumda xalqın razılığı lazım idi.

Referendumdan sonra həm hökumət, həm də FARK, sülh müqaviləsinə sadiq qalcaqlarını açıqlayıb.

Prezident Santos, "Vəzifə müddətimin sonuna kimi sülh yolunu tutacağam. Yolumdan dönməyəcəm". -deyib.