Xəbər Lenti

İnfoqrafika

Arxiv

Yazar

23 Sentyabr

2016
15:44
İlqar Məmmədovla bağlı daha bir qətnamə

Avropa Şurasının Nazirlər Komitəsi REAL Hərəkatının həbsdə olan rəhbəri İlqar Məmmədovla bağlı yeni qətnamə qəbul edib. Qurumun sentyabrın 20-si və 21-də keçirilən toplantısında qəbul edilən qətnamədə siyasətçinin azad olunması istənilir.

Qətnamə Avropa İnsan Hüquqları Məhkəməsinin (AİHM) İlqar Məmmədovla bağlı çıxardığı qərarın icrasının durumu ilə bağlıdır. Komitənin son toplantısında qəbul edilmiş sənəd Avropa Şurasının saytında yayımlanıb.

AZƏRBAYCAN HÖKUMƏTİ ÖHDƏLİKLƏRİNƏ ƏMƏL ETMİR

Qətnamədə qeyd edilir ki, Avropa Konvensiyanın 46-cı maddəsi Avropa Şurası Nazirlər Komitəsinə Avropa İnsan Hüquqları Məhkəməsinin (AİHM) qərarlarının icrasını izləməkdən ötrü müstəsna hüquq verir. Sənəddə İ.Məmmədovun, hələ də, həbsdə tutulması qınanır, Azərbaycan hökumətinin Avropa Konvensiyasının 46.1-ci maddəsi ilə üzərinə götürdüyü öhdəliklərə əməl etmədiyi vurğulanır.

Avropa Şurasının Nazirlər Komitəsi bir daha xatırladır ki, AİHM qərarlarının icrası hər bir üzv dövlətin öhdəliyidir.

Qətnamədə İ.Məmmədovun işi ilə bağlı AİHM-ın çıxardığı qərarın icrası ilə bağlı Azərbaycan hökumətinin səssiz qalmasından, komitəyə heç bir bilgi verməməsindən ciddi narahatlıq ifadə edilir.

SANKSİYALARA İŞARƏ

Sənəddə İ.Məmmədovun işi ilə bağlı Ali Məhkəmənin daha qısa müddətdə araşdırma aparıb, qərar verməsinin vacibliyi də ifadə olunub.

Qətnamədə Avropa Konvensiyasının həmçinin, 46.4-cü maddəsi və Avropa Şurasının 3-cü maddəsi yada salınıb. Həmin maddələr Avropa Şurasına üzv olan, məhkəmə qərarlarını icra etməyən ölkələrə qarşı qurumdaxili sanksiyaların tətbiqi prosedurunu nəzərdə tutur.

İlqar Məmmədov 2013-cü ilin yanvarında İsmayıllıda baş vermiş kütləvi iğtişaşların təşkilində ittiham olunaraq, 7 il azadlıqdan məhrum edilib.

2015-ci ilin əvvəlində Avropa İnsan Hüquqları Məhkəməsi İ.Məmmədovun azadlığa buraxılması barədə qərar çıxarıb. Avropa Şurasının Nazirlər Komitəsi dəfələrlə Azərbaycan hökumətini Strasburq məhkəməsinin qərarını yerinə yetirməyə çağırıb.

Avropa İnsan Hüquqları Məhkəməsinin qərarından sonra onun işinə Şəki Apellyasiya Məhkəməsində təkrar baxılıb. Məhkəmə bu il aprelin 29-da siyasətçi barəsində hökmü qüvvədə saxlayıb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
13467

Növbəti buraxılış imtahanları başlayıb

25

İyun
10:59
ELM / TƏHSİL
12137

AMB-nin valyuta məzənnələri

23

İyun
10:11
İQTİSADİYYAT
13560

Nefti qiyməti bahalaşmağa başlayıb

23

İyun
09:30
İQTİSADİYYAT
13144

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
18509

QMİ yaslarla bağlı xəbərdarlıq etdi

19

İyun
18:10
ÖLKƏ
13008

İyunun 22-də dolların manata qarşı məzənnəsi

19

İyun
17:55
İQTİSADİYYAT
13141
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


05-08-2020 14:31





  [email protected]

Valyuta.com

Рейтинг@Mail.ru