Xəbər Lenti

İnfoqrafika

Arxiv

Yazar

13 May

2016
17:12
OPEC-dən Azərbaycanın neft hasilatı ilə bağlı AÇIQLAMA

OPEC Azərbaycanın neft hasilatını azaltması barədə hesabat yayıb.

Azərbaycanda 2016-cı ilin martında gündə 0,84 milyon barel neft hasil edilib.

Bu rəqəm yanvar və fevral aylarına nisbətən 10 və 20 min barel azdır. Hasilat barədə məlumatlar OPEC-in may ayı üçün dərc edilən məruzəsində bildirilir.

Təşkilatın hesablamalarına görə, Azərbaycan 2016-cı ildə neft hasilatını gündə 40 min barel (gündə 0,82 milyon barelə qədər) azalacaq. Azərbaycanda hasil olunan neftin əsas həcmi "Azəri-Çıraq-Günəşli" yatağının payına düşür. 

BP-nin məlumatına görə, 2015-ci ilin əvvəllərində Azərbaycanda neft ehtiyatlarının təsdiq edilmiş həcmi yeddi milyard barel təşkil edir. Azərbaycan Dövlət Statistika Komitəsinin məlumatına görə, ölkədə 2015-ci ildə 41,69 milyon ton neft və qaz kondensatı çıxardılıb. 

Neftin dünya bazarında qiymətinin enməsi ixracatçı dövlətləri narahat edirdi. Bu səbəbdən Rusiyanın və digər ixracatçıların təklifi ilə aprelin 17-də Qətərin paytaxtı Doha şəhərində OPEC-in iclası keçirilib. İclasda təşkilata daxil olan dövlətlərlə yanaşı, olmayanlar da iştirak edib. Görüşün məqsədi neftin hasilatının 2016-cı ilin yanvar ayı səviyyəsində saxlanılması barədə qərar qəbul etmək idi.

Lakin Səudiyyə Ərəbistanının İran ilə ziddiyyətli münasibətləri neftin hasilatının "dondurulmasına" imkan vermədi. 

Doha görüşü Səudiyyə Ərəbistanı, Rusiya, Venesuela və Qətərin təşəbbüsü ilə keçirilib. Bundan başqa, görüşdə Ekvador, Əlcəzair, Nigeriya, Oman, Küveyt, Birləşmiş Ərəb Əmirlikləri kimi iri neft istehsalçıları ilə yanaşı Azərbaycan və Qazaxıstan da iştirak edib.

Azərbaycanı bu toplantıda energetika naziri Natiq Əliyev təmsil edib.  O, Azərbaycanın neft hasilatının dondurulmasına razı olduğunu bildirib.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
67298

Növbəti buraxılış imtahanları başlayıb

25

İyun
10:59
ELM / TƏHSİL
64777

AMB-nin valyuta məzənnələri

23

İyun
10:11
İQTİSADİYYAT
66576

Nefti qiyməti bahalaşmağa başlayıb

23

İyun
09:30
İQTİSADİYYAT
65860

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
71508

QMİ yaslarla bağlı xəbərdarlıq etdi

19

İyun
18:10
ÖLKƏ
65698

İyunun 22-də dolların manata qarşı məzənnəsi

19

İyun
17:55
İQTİSADİYYAT
66036
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-02-2021 11:31





  [email protected]

Valyuta.com

Рейтинг@Mail.ru