Xəbər Lenti

İnfoqrafika

Arxiv

Yazar

15 Sentyabr

2015
12:58
Məktəbləri dağılan 300 oğuzlu şagird dərsə gedə bilmədi - VİDEO

Zəlzələdən sonra Oğuzda da vəziyyət nəzarətdədir. Amma rayonun kəndlərinin birində məktəb qəzalı vəziyyətə düşüb. Şagirdlər dərsə gedə bilmir.

Bəs uşaqlar təhsilini harada davam etdirəcək?

Ölkənin şimal-qərb bölgəsində baş verən, Şəkidən sonra Oğuzda da ciddi fəsadlara səbəb olan zəlzələ bu rayonda təhsil müəssisələrinə daha çox ziyan vurub.

Zəlzələ ocağına yaxın rayonun Astraxanovka kəndində məktəb binası yeraltı təkanların gücündən ciddi şəkildə zədələnib. Padar kənd məktəbində 300 şagirdin təhsil aldığı təhsil ocağı isə tam qəzalı vəziyyətə düşüb.

Bu məktəb kənddə yeganə təhsil ocağı olduğundan sakinlər uşaqlarını təhsilini davam etdirmək üçün hara üz tutacaqlarından narahatdırlar.

Məktəbin mövcud vəziyyətində uşaqları bu binaya göndərməkdən imtina edən sakinlər, uşaqların təhsildən yayınmaması üçün yaranmış mövcud vəziyyətlə bağlı aidiyyəti qurumların bu məsələyə dərhal müdaxiləsini istəyir.

“Mənim nəvəm də bu məktəbdə təhsil alır, özü də əlaçıdır. Məktəb zəlzələdən sonra bərbad vəziyyətə düşüb. Hazırda məktəb şəhid Arzu Əliyevin adını daşıyır. Bütün orqanlardan xahış edirəm ki, problem tez bir zamanda aradan qaldırılsın” - deyə şikayətçi Rasim Rüstəmov bidirib.

Məktəb direktoru təbii fəlakət baş verəndən sonra təhsil müəssisəsinin mövcud vəziyyətinə rayon Fövqəladə Hallar Komissiyasının baxış keçirdiyini dedi.

“Qəti surətdə bizə bildirdilər ki, binaya girmək qəti qadağandır. Nə texniki, nə də müəllim heyəti binaya girə bilməz. Odur ki, binaya heç kimi girməyə qoymuruq. Biz çıxılmaz vəziyyətdəyik. Dərsləri harada keçəcəyik - bilmirik” - deyə məktəb direktoru Əntiqə Tahirova söyləyib.

Rayon təhsil şöbəsinin müdiri bildirdi ki, şəhidin adını daşıyan və bir əsrdən çox yaşı olan bu məktəbin mövcud vəziyyəti ilə bağlı burada təhsilin davam etdirilməsi FHN-in xüsusi komissiyasıının verdiyi rəyə qədər mümkünsüz hesab olunub.

Şöbə müdiri yaxınlıqda digər təhsil müəssisəsi olmadığından müvəqqəti olaraq şagirdlərin təhsildən yayınmaaması üçün dərslərin kənd xəstəxanasının binası və kənddəki digər tikilidə davam etdirilməsinin nəzərdə tutulduğunu dedi.

Qeyd edək ki, həmin məktəbdə kənd seçki məntəqəsi fəaliyyət göstərdiyindən binanın qəzalı vəziyyətə düşməsi nəticəsində məntəqənin digər əraziyə köçürülməsi barədə də MSK qarşısında məsələ qaldırılıb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
61756

Növbəti buraxılış imtahanları başlayıb

25

İyun
10:59
ELM / TƏHSİL
59490

AMB-nin valyuta məzənnələri

23

İyun
10:11
İQTİSADİYYAT
61145

Nefti qiyməti bahalaşmağa başlayıb

23

İyun
09:30
İQTİSADİYYAT
60830

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
66311

QMİ yaslarla bağlı xəbərdarlıq etdi

19

İyun
18:10
ÖLKƏ
60596

İyunun 22-də dolların manata qarşı məzənnəsi

19

İyun
17:55
İQTİSADİYYAT
60805
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-01-2021 17:07





  [email protected]

Valyuta.com

Рейтинг@Mail.ru