Qazaxıstan Prezidentinin mətbuat xidmətindən verilən məlumata görə, dövlət başçısı Nursultan Nazarbayevin Sərəncamı ilə Serik Axmetov Baş Nazirin birinci müavini təyin olunub. S.Axmetov bundan əvvəl nəqliyyat və kommunikasiyalar naziri, Astana şəhər akiminin müavini, Prezident Administrasiyasında işləyib.
Prezidentin digər Sərəncamı ilə Pavlodar vilayətinin akimi Bakıtjan Saqintaev bu vəzifədən azad edilib, iqtisadi inkişaf və ticarət naziri təyin olunub.
Qazaxıstanın ədliyyə naziri işləmiş Rəşid Tusubbekov İqtisadi cinayətkarlıq üzrə agentliyin sədri təyin edilib.
Dövlət başçısının Sərəncamı ilə Rabitə və İnformasiya Nazirliyi ləğv edilib, onun funksiyaları Nəqliyyat və Kommunikasiyalar Nazirliyi və Mədəniyyət Nazirliyi arasında bölünüb, Mədəniyyət Nazirliyi-Mədəniyyət və İnformasiya Nazirliyi adlandırılıb. Turizm və İdman Nazirliyi ləğv edilərək, Sənaye və Yeni Texnologiyalar Nazirliyinin tərkibində Bədən Tərbiyyəsi və İdman İşləri Agentliyi yaradılıb.

Babək