Bu gün bir qrup şəhid olmuş və itkin düşmüş şəxslərin ailə üzvləri Milli Məclisin qarşısında etiraz aksiyası keçirmək üçün toplaşıb. Lakin onların etiraz aksiyası keçirməsinə ehtiyac olmayıb. Şəhid ailələrini I vitse-spiker Ziyafət Əsgərov qəbul edərək şikayətlərini dinləyib.

Virtualaz.org saytı xəbər verir ki, onların tələbi “Hərbi qulluqçuların dövlət icbari şəxsi sığortası haqqında” qanuna uyğun olaraq şəhid ailələrinə 11 min manat olan dövlət icbari sığorta pulu ödənilməsi ilə bağlı olub.

2010-cu ildən bu günə kimi şəhid olmuş şəxslərin varisləri və aldıqları xəsarətlərdən əlil olmuş şəxslərə ödənilməli olan dövlət icbari sığorta ödənişləri verilmir. Şəhid ailələrinin üzvləri bu günədək Prezident Administrasiyasının, Milli Məclisin, Konstutisiya Məhkəməsinin qarşısında dəfələrlə etiraz aksiyası keçirsələr də onlara hər dəfə vədlər verilərək yola salınıblar.

Bu dəfə isə şikayətçiləri parlamentin I vitse-sipikeri Ziyafət Əgərov qəbul edib. Z.Əsgərovun görüşündən çıxan şəhid alilələri görüşdən razı olduqlarını bildiriblər.

Ziyafət Əsgərovla görüşdə iştirak edən Şəhid Ailələrinə Sosial Dəstək İctimai Birliyinin sədri Almaz Zeynalova virtualaz.org saytının müxbirinə bildirib ki, onları qəbul edən Z.Əsgərov söz verib ki, tezliklə bu məsələ Milli Məclisin gündəliyinə salınacaq və məsələnin həll edilməsinə çalışılacaq.

14:34

Bu gün səhər saatlarında bir qrup şəhid ailəsinin üzvləri Milli Məclisin qarşısında etiraz aksiyası keçirdilər. Aksiyaya səbəb aktiv hərbi əməliyyatlar gedən dövrdə (1992-1994-cü illərdə) ölkənin ərazi bütövlüyü və suverinliyi uğrunda şəhid olan şəxslərin ailə üzvlərinə sığorta ödənişinin verilməməsidir. Hərbi qulluqçuların dövlət icbari şəxsi sığortasını həyata keçirən “Azərsığorta” Dövlət Sığorta Kommersiya Şirkəti ailələrə bildirib ki, sığorta ödənişini həyata keçirmək üçün Milli Məclisin qərarı olmalıdır. 

Etirazçılar bildirirlər ki, atəşkəs dövründə şəhid olanların ailələrinə sığorta ödənişi verilsə də, Qarabağ müharibəsi dövründə şəhid olanların ailələri prosesdən kənarda qalıb. 

Aksiyaçıların nümayəndələrini qəbul edən Milli Milli Məclisin İqtisadi siyasət komitəsinin sədri Ziyad Səmədzadə bildirib ki, şəhid ailələrinə verilməli olan sığorta ödənişini parlamentdə qaldıracaq və dövlət büdcəsindən vəsaitin ayrılmasını istəyəcək. /bizimyol.info