Xəbər Lenti

İnfoqrafika

Arxiv

Yazar

01 Sentyabr

2014
12:47
İŞİD kimyəvi-bioloji silah hazırlayır

FaktXəbər-in Əl-Aan saytına istinadən verdiyi məlumata görə,  İŞİD terror qruplaşmasının  üzvlərindən olan tunisli tələbənin kompyuterindən  kütləvi  qırğın üçün kimyəvi-bioloji  silahın hazırlanması yolları barədə sənədlər tapılıb.

Noutbuk Suriya hüquqmühafizəçiləri tərəfindən İdlib şəhərində keçirilən xüsusi əməliyyat zamanı ələ keçib. Telekanalın jurnalistinin verdiyi məlumata görə, tələbənin dizüstü kompyuterindən bubon taununun epidemiyası barədə instruksiyalar olub. Kanal tələbənin hazırda harda olduğunu bilmədiyini deyib.

Xatırladaq ki, İŞİD terrorçuları  iyunun 11-də Mutanna  əyalətində kimyəvi  silah  anbarını ələ keçirmişdi. Verilən məlumata görə, orada 2,5 kimyəvi raket mühərrikləri, həmçinin zəhərləyici maddələr olub. Bununla belə, həmin maddələrin köhnə olduğu,  real silah hazırlamaq üçün yararlı olmadığı deyilirdi.

Noutbukda həmçinin  hökumətin diqqətini çəkməmək üçün necə səyahət etməyin instruksiyaları da olub. Maraqlıdır ki, sənədlər arasında  tort və pirojna reseptləri də var imiş.

FaktXəbər-in verdiyi məlumata görə, Bubon taunu – daşıyıcıları siçanlarda parazitlik edən bitlər olan Yersinia pestis bakteriyası tərəfindən törədilən kəskin təbii bakterial mənşəli xəstəlikdir. Kəskin təhlükəli infeksiya hesab edilir. İnkubasiya dövrü 2-6, nadir hallarda isə 1-12 gün olur.Əsasən dəriyə keçməklə (infeksiyalı  siçanın, yaxud, digər canlının dişləməsi ilə) olur. İnsandlan insana isə  hava-damcı yolu ilə keçir.
O, kəskin qızdırma, ağır ümumi intoksikasiya və limfatik düyünlərin, ağciyərin və başqa orqanların hemorragik-nekrotik iltihabı ilə təzahür edir. Endemik və pandemik yayılma imkanına görə taun "Beynəlxalq tibbi-sanitariya qaydalarının" şamil olduğu xüsusi təhlükəli karantin infeksiyaları qrupuna aid edilir.

Taun təbii ocaqlarla xarakterizə olunur. Xəstəlik titrətmə, başağrısı, yüksək temperaturla başlayır.

Diaqnostika üçün bakterioloji və seroloji üsuldan istifadə olunur.

Taunun bubon formasının xarakterik əlaməti törədrici mikrobun daxil olduğu yerə yaxın birincili bubonların formalaşması ilə periferik limfatik düyünlərin zədələnməsidir. Xəstəliyin 1-2-ci günü nəinki hərəkət zamanı, hətta sakitlikdə belə bubon əmələ gələn yerdə xəstəni məcburi vəziyyətə gətirən şiddətli ağrı hiss olunur. İnkişaf edən bubon kiçik, şiddətli ağrılı şişkinlikdən ibarətdir. Limfatik düyünlərin bütün qrupu və onları əhatə edən birləşdirici toxuma iltihabi prosesə cəlb olunduqca şişkinlik 8 sm-dək böyüyür, ətraf toxumalar ilə birləşən konqlomeratdan ibarət olur. Bubonun üzərini örtən dəri gərilir, aydın hiperemiyalaşır, parıldayır, göyərmiş çalar alır. Adətən limfangitlər olmur. Periadenit olduğuna görə bubonun konturu hamarlaşır. Bu, mühim diaqnostik əlamətlərdən biri sayılır. Xəstəliyin 6-8-ci gününə yaxın bubon xəmirvari konsistensiya alır, üzərindəki dəri göyümtül-qonur rəng alır, nazilir. Bubonun mərkəzində flüktasiya meydana çıxır. Xəstəliyin 8-12-ci günü bubon deşilir, qan qarışıqlı serozlu-irinli möhtəviyyat ifraz olunur. Bubonun xoraya çevrilməsi uzun müddət sağalmayan fistulanı, ikincili infeksiyanın qoşulması isə geniş adenofleqmonanın əmələ gəlməsi ilə nəticələnir. İrinli xora inadlı gedişi, tədricən sağalması, qranulyasion toxumanın artması və çapıqlaşma ilə fərqlənir. Xəstəliyin təhlükəsiz gedişi zamanı 6-8-ci gündən başlayaraq, bubonda iltihabi dəyişiklik azalmağa başlayır və sonralar tam sorula bilir. Son illər spesifik terapiyanın (antibiotiklərin) tətbiqi ilə əlaqədar olaraq taun bubonları çox nadir hallarda deşilir. Onlar 15-20 gün ərzində tədricən sorulur.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Rusiya "YouTube"un rəqibini yaradacaq

16

Dekabr
11:15
DÜNYA
277

Qusarda kütləvi zəhərlənmə olub

16

Dekabr
10:50
ÖLKƏ
227

AMB-nin valyuta məzənnələri

16

Dekabr
09:44
İQTİSADİYYAT
231
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-12-2019 18:10



  (+994 55) 786-96-84

  [email protected]

Valyuta.com

Рейтинг@Mail.ru