Bu gün Azərbaycanın Milli Qəhrəmanı Mübariz İbrahimovun doğum günüdür. 19 iyun 2010-cu il tarixində düşmən üzərinə gedən Mübariz İbrahimov qəhrəmancasına təkbaşına vuruşaraq şəhid olub. Dünya mətbuatında uzun müddət müzakirə olunan Azərbaycan əsgərinin qəhrəmanlığını xalqımız indi də unutmur.

Keçirdiyimiz sorğu da buna bariz nümunədir. “Mübariz İbrahimov kimdir və onun haqqında nə deyə bilərsiz?” sualı ilə keçirdiyimiz sorğunu əhalinin müxtəlif təbəqələri müsbət cavablandırdı.

“Qarabağ Azadlıq Təşkilat”ının sədri Akif Nağı Mübariz İbrahimovun daha çox sevilməsinin və tanılmasının sirrini FaktXəbər-ə açaraq bildirdi ki, cəmiyyətdə vətənpərvərlik ruhunun zəiflədiyi zamanda Mübariz İbrahimov bu ruhiyyəni xalqa qaytardı.