Xəbər Lenti

İnfoqrafika

Arxiv

Yazar

21 Dekabr

2013
13:06
Azərbaycan İslam Partiyası Allahşükür Paşazadəyə müraciət etdi

Azərbaycan İslam Partiyası keçirdiyi dəyirmi masanın yekunu olaraq Qafqaz Müsaəlmanları İdarəsinin rəhbəri Hacı Allahşükür Paşazadəyə müraciət ünvanlayıb. Müraciətə səbəb bu il bayramın İslam Peyğəmbərinin vəfat günü ilə üst-üstə düşməsidir ki, siyasi qurum buna riayət olunmasını istəyir. Partiyanın mətbuat xidmətinin yaydığı müraciətdə deyilir:

 “Hörmətli Hacı Allahşükür Paşazadə! Sizə məlumdur ki, bu ilin dekabr ayının 31-i əziz İslam Peyğəmbəri Həzrət Muhəmmədin (s) vəfatı, həmçinin İmam Həsənin (ə) şəhadəti günüdür. Eyni zamanda həmin tarix  bildiyiniz kimi miladi təqvimi ilə yeni il axşamı, “yolka şənliyi”, “şaxta baba” bayramıdır.  Əslində ilimiz 365 gün olmaqla bu günlər arasında  öz-özlüyündə fərqli və üstün olan bir gün yoxdur. Zamanın daim hərəkətdə olması və dəyişkənliyi ona əzəmət  verməyi qəbul etməz. Hər bir zamanın və tarixin  yaxşılığı ilə pisliyi  həmin günün baş verən hadisələri ilə qiymətləndirilir, yad edilir. Deməli, zamanın şərəfi həmin tarixin insanları və ümumən bəşəriyyəti üzləşdirdiyi vaqeələrlə bağlı olduğunu dərk ediriksə, o zaman Əziz Peyğəmbərimizin  vəfatı kədərini yaşamağın  hər bir müsəlman üçün necə həssas bir məqam olduğunu bilməliyik.

Bizi narahat edən hal son günlər  cəmiyyətdə, 97 faizi müsəlman olan, Peyğəmbərini (s)  qəbul edən insanların sadaladığımız  hadisələrə mahiyyətsiz yanaşmaları, bəzən isə üstünlüyün tariximizə, milli adət-ənənələrimizə, mental dəyərlərimizə və mənəviyyatımıza uyğun gəlməyən qondarma şənlik və bayramların keçirilməsinə verilməsidir. Biz bunun başlıca səbəblərini uzun onilliklər boyu Allahsız bir rejimin təsiri və təzyiqi altında yaşamaqda görürük. Təəssüflər olsun ki, müsəlman bir məmləkətin bu günündə də əziz Peyğəmbərimizin vəfatı, imamımızın şəhadəti kimi bizi paklaşdıran məqamları  mahiyyətsiz, mənəvi, həm də iqtisadi baxımdan zərərli  bir janqlyorluğa qurban veririk.

Düşünürük ki, bu gün hətta Həzrət İsa Məsih həyatda olsa idi belə, O həzrət  nəinki doğum gününü şənlik edərdi, hələ öz dövründə insanları Muhəmməd  Peyğəmbərin (s) gəlişi ilə müjdələməsi göstərir ki, bu günü matəm edərdi, əza saxlayardı.

Hesab edirik ki, Peyğəmbərin (s) vəfatı gününü ümumxalq anım  günü kimi  keçirmək vacib məsələlərdəndir. Həmin gün televiziya kanallarında bayram şouları  məhdudlaşdırılmalı, ilahiyyatçı alimlərin moizə və söhbətlərinə geniş yer ayrılmalıdır. Ona görə ki, Allahın zati-müqəddəsindən başqa Həzrət Muhəmməddən böyük bir düha aləmdə yoxdur.

Bütöv müsəlman dünyasının  bir parçası sayılan ölkəmizdə xalqımız  və hər bir müsəlman üçün anılması zəruri olan belə günlərin  təsadüf etdiyi qondarma şənlik ənənələri təxirə salınmalıdır. Necə ki, sadə insandan tutmuş dövlət başçısına kimi yaxın, doğma bir  adamı dünyasını dəyişəndə balasının toy şənliyini belə yarımçıq buraxır, və ya dayandırır, təxirə salır. Amma bu günə görə, bütün müsəlmanlar, xalqımız və bütövlükdə bəşəriyyət onlara böyük və ülul-əzm peyğəmbər kimi göndərilən Rəsulun (s)  vəfatı ilə kədərlənməlidirlər.

Vətənimiz hər an zalım düşmənlə üz-üzədir. Torpaqlarımız işğal altındadır. Azərbaycan şəhidlər diyarıdır. Dünyada müsəlman xalq, Peyğəmbər (s) ümməti kimi tanınırıq. Din təəssübkeşliyi, Allah və Peyğəmbər sevgisi, Əhli-beyt aşiqliyi canımızda, qanımızdadır. Bu müqəddəs sərvətlər uğrunda  şəhadətə hazır olmayınca arxayınçılıq, rahatlıq bizlərə haramdır. İnsanlara İslamın  bu kimi əsl mahiyyətini aşılamaq, maarifləndirmək üzərinizə düşən  böyük məsuliyyətdir. Müsəlman xalqı üçün əvəzsiz mahiyyət daşıyan tarixi günlərin hər şeydən öncə anılması  vacib olan addımların  başlanğıcı olmalıdır. Ümid edirik ki, cəmiyyətimizi narahat edən hallarla bağlı müraciətimizdən nəticə çıxaracaq, konkret addımlar atacaqsınız.”

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Cəlilabadda 9-cu sinif şagirdi çayda boğulub

03

İyun
10:00
HÜQUQ,HADİSƏ
205

Xarici valyutaların manata qarşı məzənnələri

03

İyun
09:29
İQTİSADİYYAT
230

Bibiheybət yolu gələn həftə açılır

03

İyun
08:58
NƏQLİYYAT
383

Dərsliklər təhvil verilmə vaxtı məlum oldu

02

İyun
17:31
ELM / TƏHSİL
298

İyunun 3-də dolların manata qarşı məzənnəsi

02

İyun
17:23
İQTİSADİYYAT
242

DİN metrodakı hadisə ilə bağlı açıqlama verdi

02

İyun
16:58
HÜQUQ,HADİSƏ
340

Masallının prokuroru işdən çıxarıldı

02

İyun
16:18
HÜQUQ,HADİSƏ
343
Şərhlər
sexavet ismayilov tərəfindən 21-12-2013 17:21:12 tarixində yazıldı
seyxe muraciet esassizdir
cox hormetli islam partiyasinin emekdaslarini fakt xeber vastesiyle salamlayiram.seyxe muracieti esassiz hesab edirem cunki allahsukurun ixtiyari oz elinde deyil o bir qrup sexs terefinden idare olunansexsdir islam partiyasi iller boyu haqqi demis mubariz bir partiya olub meherremlik ayi ile elaqedar verdiyi beyanatda cemiyyetde yuksek qiymetlendirilir
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


03-06-2020 10:49





  [email protected]

Valyuta.com

Рейтинг@Mail.ru