FaktXəbər-in verdiyi məlumata görə, Venesuella hökuməti  ABŞ MKİ-nin sabiq əməkdaşına sığınacaq vermə barədə müraciətini aldıqlarını təsdiqləyiblər.

Snoudeni qəbul etməyə hazır olduğunu əvvəllər də bəyan edən Venesuella prezidenti Nikolas Maduro hazırda amerikalının Karakasa gəlmə qərarını gözlədiyini bildirib: «Biz sığınacaq barədə müraciət almışıq. Əgər o, gəlmək istəyirsə, uçuş vaxtını müəyyən etmək lazımdır».

Bundan əvvəl Nikaraqua və Boliviya da sığınacaq verməyə razı olmuşdular.

Sabiq MKİ əməkdaşı bu təkliflərdən birini qəbul etsə, böyük ehtimalla ölkələrə getmək üçün Havanna üzərindən uçmalıdır.