FaktXəbər-in məlumatına görə, Azərbaycan Respublikası Prezidenti İlham Əliyevin sərəncamı ilə Səfərli Vüqar Müzəffər oğlu yenidən Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun İcraçı direktoru təyin edilib.

Bundan əlavə Prezident Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurası üzvlərinin təyin edilməsi haqqında da sərəncam imzalayıb.
 
Aşağıdakı şəxslər Müşahidə Şurasının üzvləri təyin ediliblər:

dövlət orqanlarından:

Əliyev Vüqar Saydam oğlu - Azərbaycan Respublikası Prezidenti Administrasiyasının İctimai-siyasi məsələlər şöbəsinin Mətbuat və informasiya orqanları ilə iş sektorunun müdiri

Qurbanov Faiq Mirəsədulla oğlu - Azərbaycan Respublikası Ədliyyə Nazirliyinin İnsan hüquqları və ictimaiyyətlə əlaqələr idarəsinin rəisi

Hümbətov İntiqam Rəsul oğlu -  Azərbaycan Respublikası Mədəniyyət və Turizm Nazirliyinin Analitik təhlil və proqram təminatı şöbəsinin baş məsləhətçisi

kütləvi informasiya vasitələrindən:

Məcidov Rəşad Müseyib oğlu - “525-ci qəzet”in baş redaktoru

Rəhimzadə Vüqar Gəncəli oğlu - “İki Sahil” qəzetinin baş redaktoru

Sadıqov Bəxtiyar Yusif oğlu  - “Azərbaycan” qəzetinin baş redaktoru

jurnalist təşkilatlarından: 

Amaşov Əflatun Əhməd oğlu - Azərbaycan Mətbuat Şurasının sədri

Ələsgərli Müşfiq Məşi oğlu - Jurnalistlərin Həmkarlar İttifaqının sədri

Mirzəyev Umud Rəhim oğlu - Beynəlxalq Avrasiya Mətbuat Fondunun sədri.