Hüquq mühafizə orqanlarından verilən məlumata görə, həmin şəxs 1955-ci il təvəllüdlü Cavadova Mariya Hidayətovna olub. Məlumata görə mərhumə Lökbatan qəsəbəsində yaşayırmış. O, Qobustan qəsəbəsində yaşayan anasına baş çəkmək üçün gedib və gecə onlarda qalıb. Səhər isə qayıdarkən məlum qəza baş verib.

Onun ailəsinin baş verən qəza ilə bağlı şikayətçi olmadığı bildirilir. Hadisədə deputatın sürücüsünün və ya piyadanın günahkar olması ilə bağlı hələlik hər hansı versiya irəli sürmək mümkün deyil. Məlumata görə, bunu müəyyənləşdirmək üçün avtomobilin texniki ekspertizası keçiriləcək.

Hadisəni törədən deputatın sürücüsü Qocayev Faiq Əşrəf oğlu isə saxlanılmayıb.

***

Baş Dövlət Yol Polisi İdarəsi millət vəkili Aydın Mirzəzadənin avtomobilinin qəza törətməsi hadisəsinə münasibət bildirib. İdarənin şöbə rəisi Kamran Əliyev bildirib ki, qəza zamanı deputatın avtomobilini sürücüsü idarə edirmiş: “Hələ dəqiq bilinmir ki, təqsir kimin üzərindədir. Araşdırma aparılmalıdır və bütün məqamlar dəqiqləşdirilməlidir. Baş vermiş hər bir ölüm faktı ilə əlaqədar cinayət işi açılır və istintaq aparılır. Hazırda bu qəza ilə bağlı da istintaq aparılır. Əgər istintaqın gedişində zərurət yaranarsa, piyadanı vurmuş avtomobildə sərnişin qismində olan şəxs və ya şəxslər də ifadə verə bilər. Əlbəttə ki, ancaq zərurət yarandıqda...” \Qafqazinfo