Xəbər Lenti

İnfoqrafika

Arxiv

Yazar

17 Yanvar

2013
14:35
“Vahid namizədi hamıdan ağıllı hesab edirlər”
Sərdar Cəlaloğlu: “Çox təəssüf ki, Azərbaycan müxalifətindəki qrup və şəxsi maraqlar ümumi maraqları üstələyir”

Artıq seçkilərə 9 aydan bir qədər az müddətin qalmasına baxmayaraq ölkənin müxalifət düşərgəsində çəkişmələr davam etməkdədir. Hələ də vahid koalisiya və namizəd müəyyən olunmayıb. Bəzi ekspertlər hesab edirlər ki, seçkilərə qədər bu birlik baş tutmayacaq. Digər tərəfdən ADP sədri Sərdar Cəlaloğlu bu gün rəsmən elan edib ki, gələn il keçiriləcək prezident seçkilərində öz namizədliyini irəli sürməyəcək. O, bu addımını vahid koalisiyanın baş tutması üçün etdiyini bildirib. “Bəs ölkə müxalifətini  9 aydan az bir müddət ərzində hansı düstur birləşdirə bilər?”

FaktXeber.com-un sualı ilə bağlı açıqlama verən ADP sədri Sərdar Cəlaloğlu maraqlı fikirlər səsləndirdi. Sərdar bəy qeyd etdi ki, hazırda seçkiyə getməyin iki taktikası var: “ Bunlardan biri ölkədə hakimiyyəti dəyişmək və yeni situasiya yaratmaq üçün, digəri isə seçkidə iştirak edərək ikinci, üçüncü dərəcəli məsələlərin həllinə çalışmaq. Hakimiyyəti dəyişdirmək üçün tələb edilən vaxt artıq əldən buraxılıb. Bunun üçün ən azından 2 il bundan qabaq fəaliyyətə başlanmalı və vahid koalisiya yaradılmalı idi. Vahid koalisiya yaratdıqdan sonra seçkilərə qədər regionlarda insanları aktivləşdirmək lazım idi ki, seçkilərdə hakimiyyət dinc yolla dəyişdirilə bilsin. Artıq bu imkan əldən buraxılıb.”

Müsahib onu da bildirdi ki, bundan sonra müxalifətin vahid bir mərkəz yaratması xalqın və millətin qarşısında duran ikinci üçüncü dərəcəli məsələlərin həllinə kömək edə bilər: “Vaxt baxımından qələbəni əldə etmək üçün hər hansı bir siyasi iş apara bilmərik. Görünən budur ki, Azərbaycan müxalifətində bu birliyin zərurətini hiss etmirlər. Necə ki, ərəb ölkələrində müxalifət meydanlara çıxaraq ciddi qüvvəyə çevrildi və bundan sonra dərhal proseslər öz axınını dəyişdi. Yəni bitkin və yetkin müxalifət olmasa nə beynəlxalq dəstək olacaq, nə də ki, dəyişiklik. Hesab edirəm ki, bunu hamı başa düşməlidir. Hər bir partiya və lider ən yaxşı halda seçkiyə birlikdə getməklə öz şəxsi maraqlarını təmin edə bilər. Çox təəssüf ki, Azərbaycan müxalifətindəki qrup və şəxsi maraqlar ümumi maraqları üstələyir.”

Vahid namizədin hamıdan ağıllı hesab edildiyini bildirən ADP sədri, “ halbuki bu belə deyil. Biz bunun təcrübəsini Qırğızıstan və Türkiyədə görmüşük. Qırğızıstanda hakimiyyət devriləndən sonra keçid hökumətinə bir xanım rəhbərlik etdi. Bundan sonra demokratik seçkilər keçirildi və xalq öz prezidentini seçdi ”, - deyə bildirdi: “Azərbaycanda da kimin birinci namizəd olması demək deyil ki, o kimdənsə ağıllıdır. Bu cür psixoloji durum müxalifət liderlərini bir araya yığmağa imkan vermir. Nə qədər ki, bu hiss aradan qalxmayıb Azərbaycanda ciddi dəyişiklər baş verməyəcək. “

“ 2013-cü il prezident seçkilərinə qədər ölkə müxalifətinin birləşməsi mümkün olacaqmı” , - sualını da cavablandıran Sərdar bəy, “siyasətdə insanların iradəsindən asılı olan məsələlər var. Belə ki, bəziləri özlərini naza qoymaq istəyirlər. Eyni halda iradədən asılı olmayan məsələlər də var. Yəni zərurət yarananda. Əgər beynəlxalq ictimaiyyət və xalq müxalifətin birliyini tələb etsə, bundan sonra müxalif qüvvələrin bir araya gəlməsindən başqa şansları qalmayacaq, ”, - deyə bildirdi: “Lakin məcburi şəkildə yaranacaq belə birliyin elə də effekti olmayacaq. Ona görə də çalışmalıyıq ki, şüurlu şəkildə başa düşək. Nə qədər ayrı-ayrı qüvvələr və partiyalar olsaq da, başa düşməliyik ki, Azərbaycan müxalifəti ən geniş koalisiyaya malik bir qüvvədir. Qarşımızda duran çətin vəzifələrin öhdəsindən hamımız birlikdə gəlməliyik. Ayrı-ayrı gəlməyimiz mümkün olmayacaq.”

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

ADU tələbə qəbulu elan etdi

29

May
12:24
ELM / TƏHSİL
375

“UNEC-90 Kitablar arasında keçən ömür”

28

May
12:21
ELM / TƏHSİL
735
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


31-05-2020 05:30





  [email protected]

Valyuta.com

Рейтинг@Mail.ru