Sumqayit şəhərinin sakinlərindən redaksiyamızın "Qaynar xətt"inə şikayət daxil olub. Sumqayit şəhər sakinlərindən redaksiyamıza daxil olan şikayətd, artıq neçə gündür Sumqayıtda yerləşən sənaye müəssisələrindən atmosferə atılan tullantıların iyindən hətta evdə oturmaq belə mümkün deyil.     
"Bir müddət əvvəl Sumqayitda "AzKompozit" və "Aliminium" zavodları fəaliyyət göstərirdi. Zavodların fəaliyyət göstərdiyi ərəfədə havadan bu cür iylər gəlirdi. Bununla bağlı təxminən iki ay bundan qabaq Ekologiya Nazirliyinə müraciət etmişdik. Müraciətimizdən sonra iyin qarşısı qisməndə olsa alındı. İndi yenidən havadan iy gəlməyə başlayıb. İydən hətta evdə belə oturmaq olmur.  Sanki elə bil çöldə şin yandırıblar.  ”, - deyə sakinlər bildiriblər. Ekologiya Nazirliyinə müraciət etdikdən sonra bu iyin olmadığını söyləyən sakinlər, bir neçə gündür ki, yenə də havadan yanıq iyi gəldiyini bildiriblər: “Adətən gecələr iydən yatmaq olmur. Bəzi vaxtlar olur ki, səhərlər saat 7-də elə bu iy vasitəsilə hava çatışmazlığından ayılırıq.”
Məsələ ilə ilə bağlı Ekologiya və Təbii Sərvətlər Nazirliyinin “Qaynar xətt”i ilə əlaqə saxladıq. Nazirlikdən bizə faktla bağlı məlıumatlarının olmadıqlarını bildirdilər.

Xəyal Şükür