Yoxsulluq və işsizliklə mübarizə aparan və  2008-2009 cu illərdə İsrail ordusunun vəhşiliyinə məruz qalan Qəzza xalqı, mübarək Ramazan ayını beşinci dəfə İsrailin blokadası altında keçirəcək. FaktXeber.com-un verdiyi məlumata görə, İsrail rejiminin apardığı işğalçı siyasət nəticəsində tarixin ən böyük “üstü açıq” həbsxanası olan Qəzza zolağı, maliyyə çətinliyi və ərzaq qıtlığından ciddi şəkildə əziyyət çəkir. Lakin buna baxmayaraq bütün beynəlxalq aləm bu haqsızlığa susur. Qəzza əhalisinin əsas istəklərindən biri bu sükutun pozulmasıdır.

Qəzza vətəndaşlarından biri vəziyyətləri barədə danışarkən bunları deyir: ''Vəziyyətimiz olduqca çətindir. Maaşlarımız demək olar ki, yox dərəcəsindədir. Fələstin rəhbərliyi tezliklə bu problemi həll etməlidir.”

Digər tərəfdən satıcılardan biri iki həftə bundan əvvələ kimi alverin yaxşı olduğunu qeyd edərək, son günlərdə tamamən pisləşdiyini bildirib.

Qəzzada olan iqtisadçılardan olan Samir əl Mədallal “İsrailin təşkil etdiyi blokadaya görə Ramazan ayına çox pis bir vəziyyətdə daxil olduq. Çünki hazırda işsizliyin səviyyəsi 45%-ə çatıb. Yoxsulluq isə 70%-ə qədər yüksəlib.” deyə bildirib/

Emin Nəsirli