Xəbər Lenti

İnfoqrafika

Arxiv

Yazar


Aqil Mehdi

26 Fevral

2011
7161
7 SAYLI MƏKTƏBDƏ GÖRDÜKLƏRİM
Ölkənin az-çox ortada olan saytlarından birində Bakı şəhəri, Səbayel rayonu, M.Rahim adına 7 saylı orta məktəbdə korrupsiya halı barədə məqalə yerləşdirilmişdi. Məqalənin formasından hiss olunurdu ki, burada məqsəd kimisə qaralamaq və ya pul qoparmaqdır.

Məqalədə deyilirdi ki, guya bir valideyn onlara şikayət məktubu yazaraq, 8 mart üçün məktəbdə 50 manatdan pul yığıldığını bildirib. Həmişəki kimi, valideyn də adının çəkilməsini istəməyib. Bəh-bəh, nə gözəl faktdır.

Amma bir az da təəccübləndirici idi. Axı bizim də evdən 2 uşaq həmin məktəbdə təhsil alırdı. Demək ki, 100 manat heç nədən havaya uçacaqdı. Amma təəccüblü olan həm də o idi ki, indiyə qədər sözügedən məktəbdən heç bir müəllim nə üçünsə 1 manat da olsa pul istəyində olmamışdı nə məndən, nə də tanışlarımdan. Həmçinin qapıbir qonşumdan da belə bir söz eşitməmişdim. O qonşumdan ki, məktəbin təhsil səviyyəsinin yüksəkliyindən və bəzi məktəblərdən fərqli olaraq, pul söhbətinin olmadığını bildirdikdən sonra həmin qonşum uşağını "Zəkalar" litseyindən çıxarıb ora aparmışdı. Eləcə də ailəvi dost olduğumuz şəxslər də bu barədə heç bir söz söyləmirdilər. Bəs onda nə? Nə oldu ki, 7 saylı məktəbdə birdən-birə 50 manat toplayası oldular? Məktəb həmin məktəb, müəllimlər də eyni, direktor Gülnaz xanım da yerindədir. Və hər zaman olduğu kimi, gülər üzlə kollektivi idarə edir. Yəni dəyişən heç nə yoxdur. Dəyişən olmadığına görə, demək cavab da riyazi formula görə dəyişməzdir.

Yəni bir az əvvəl də qeyd etdiyim kimi, bu məktəbdə pul söhbəti ancaq kiminsə uydurması ola bilərdi. Və o uydurma da kiminsə ləkələnməsi və pul qoparılmasına xidmət edən bir nəsnədir.

İstəyən gedib yoxlaya bilər o məktəbdəki ab-havanı. Heç kəsi tərifləmək fikrim yoxdur, amma haqq olanı danmağı da özümə sığışdırmıram. Əgər siz deyən kimi, doğrudan da o məktəbdə rüşvət, korupsiya varsa, orada hansısa inkişafdan söhbət gedə bilməz. Gedin bir dəfə o məktəbə, 1-ci mərtəbədən 4-cü mərtəbəyə kimi istər dərs zamanı, istərsə də tənəffüsdə olan intizamı görün. Sinif otaqlarına baş çəkin, təmizliyə, səliqəyə, isti otaqlara baxın. Uşaqların yüksək səviyyədə təhsil alması üçün yaradılan hər cür müasir standartlara cavab verən sistemə baxın. Şagirdlərin davamiyyətinə baxın. Təhsilin səviyyəsinə baxın. Hər ayın sonunda, keçirilən dərslər üzrə şagirdlərin bilik səviyyəsinin yoxlanılmasına baxın. Şagirdlərin asudə vaxtını necə keçirməsi üçün yaradılan pulsuz dərnəklərə baxın. Məhz həmin dərnəklərin nəticəsi olaraq, 7 saylı məktəbin 2 şagirdi dama üzrə Azərbaycan çempionatına düşüb mart ayında məktəbi təmsil edəcəklər. Ki, onlardan da biri Bakı birinciliyində 2-ci yerə sahiblənib və bizim evdə yaşayır. İndi siz deyin, harada görmüsünüz ki, bir idarədə korrupsiya baş alıb gedə və orada inkişaf ola? Şəxsən mən belə bir yer tanımıram. Harada rüşvət, korrupsiya var, orada talan var, gerilik var. Sizin bəhs etdiyiniz təhsil ocağı isə inkişaf səviyyəsinə görə nümunə göstəriləcəklər sırasındadır. İnanmırsınızsa, gözlərinizi açın və sadəcə baxın, müşahidə edin.

P.S. Birdən düşünərsiniz ki, yəqin Aqil bu yazını sifarişlə yazıb. 13 ildir Azərbaycan mətbuatındayam. Bir çox tanınmış mətbuat orqanlarında çalışmışam. İşlədiyim kollektivdə hər zaman sözü üzə deməyi bacarmışam və hamı da məni bu cür tanıyıb. Bu gün də elədir. Və indiyə kimi bir nəfər çıxıb qarşıma deyə bilməz ki, filan vaxt filankəsi tərifləmisən və ya nahaq danışmısan. Kimsə deyə bilməz ki, Aqil haqqı deməkdən boyun qaçırıb, sifarişlə məqalə hazırlayıb.


Şərhlər
GULUM***** tərəfindən 28-02-2011 02:53:11 tarixində yazıldı
PAHOOO BEXTEVER BASHINIZA!
ASSALAMUN ALEYKUM.QARDASHIM YAZDIQLARINIZI OXUDUM ELEBILDIM YUXU GORUREM.EYER BU 50 MAN SOHBETI SIZIN MEKTEBDE MOVCUD DEYILSE ONDA GELIN GENCE SHERI 14 SAYLI ORTA MEKTEBE.TA MEKTEB SOZU DEYIREM EEE SIZE MEKTEB DEYIL?ELEBIL ZIBILXANADI.ICERIDE O QEDER YASH ODUN YANDIRILIR KI USHAQ EVE GELENDE ETRINDEN MEST OLURUQ.TA MEKTEBDE NE SATMIRLAR?O QEDER IRI ADDIMLARLA IRELILEYIR KI,HETDA GELEN IL USHAQLARA PAYLANACAQ 60 QEP.GUNDELIYIN PULUNU DA INDIDEN 1MAN 50 DEN ZOR GUCUNE YIGIRLAR.HICAB SOZU DEYENIN AZ QALA DILINI KESERLER.OLA BILMEZ.CUNKI BU MEKTEBE CIDDI QANUN QAYDA VAR.AMMA HERDEN KORRUPSIYA SOZUNU ESHITMIRLER CUNKI XEYIR ELEMIR.NE BILIM EE QARDASH OOOOO QEDER FAKTLAR GETIRERDIM KI.AMMA QANINIZI QARALTMAQ ISTEMIREM.KASH KI,BIZIM USHAQLAR DA 7 SAYLI ORTA MEKTEBDE TEHSIL ALAYDILAR.ONA GORE DE DEYIREM BEXTEVER BASHINIZA(YAXSHI MENADA)ALLAH BALALARINIZA ZEHN ACIQLIGI VERSIN!
Zamin Mursalov tərəfindən 02-03-2011 09:10:29 tarixində yazıldı
Sifaris ?
Qadasi sen ne deyirsen de hamimiz bugunku gunde mektebleride ,direktorlari da yaxsi taniyiriq.O nagili danisma bize.
mamed mamedov tərəfindən 08-03-2011 20:30:33 tarixində yazıldı
kash yazdiglarin dogru olardi.teessufki yaxin gelecekde bu nagila chetin inanan olsun.
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-10-2019 04:45



  (+994 55) 786-96-84

  [email protected]

Valyuta.com

Рейтинг@Mail.ru