Xəbər Lenti

İnfoqrafika

Arxiv

Yazar


Aqil Mehdi

24 Aprel

2010
1859
SƏRHƏD AÇILIMI: BƏHANƏ, YOXSA..?

Ermənilərin qeyri-konstruktiv mövqelərini dəstəkləyən xaç qardaşlarının əsas hədəfi Ərdoğanı hakimiyyətdən kənarlaşdırmaqdır


 Ermənistan-Türkiyə əlaqələrinin qurulması, bu iki dövlət arasında sərhədlərin açılması birincinin xeyrinə olsa da rəsmi İrəvan necə deyərlər, özünü o yerə qoymur. Və bildirir ki, Türkiyə tərəfi heç bir şərt qoymadan məlum Sürix protokollarını parlamentdə ratifikasiyadan keçirməlidir. Ancaq bu yaxınlarda Vaşinqtonda keçirilən sonuncu Ermənistan-Türkiyə danışıqlarından sonra prezident Serj Sərkisyan Milli Təhlükəsizlik Şurasının iclasında Türkiyə ilə münasibətlərin normallaşmasına dair qərar müzakirə olunub. Mü-zakirələrdən sonra rəsmi İrəvan elan edib ki, Sürix protokollarını parlamentdən geri çəkir və onların ratifikasiyasını qeyri-müəyyən müddətə dayandırır.

Bəli bu, iblis xislətli erməni sifətidir. Yaranışdan ikiüzlü, xain, alçaq, "çörəyi dizinin üstündə", paxıl və s. Onlar insanlığa yaraşmayan hər cür vəhşiliklər törədib məsuliyyəti başqasının boynuna yükləməyi, öz çirkin məqsədlərinə yetişmək üçün zırın-zırın ağlamağı özlərinə "şərəfli" peşə seçiblər. Əlbəttə bu, "başı müsibətlər çəkmiş" erməni xalqının ilk şivəni deyil. Onların belə hay-həşirləri çox olub. Hər il qondarma "erməni soyqırımı"nın bütün dünya ölkələrində tanıtdırılması cəhdləri məsələyə ədalətli yanaşan hər kəsdə ikrah hissi doğurur. Bu məsələdə həqiqətin nədən ibarət olması da hamıya məlumdur. O cümlədən beynəlxalq təşkilat və rəsmi şəkildə bütün dövlətlərə də.

Maraqlıdır ki, Türkiyə-Ermənistan sərhədlərinin açılması ilə bağlı bədnam layihənin müəllifi olan ABŞ hökuməti rəsmi İrəvanın, protokolların parlamentdə ratifikasiya olunmasını donduran qərarına münasibət bildirməyə tələsmir. Və deyəsən heç bu qərarı tənqid etmək fikrində də deyil. Xatırladaq ki, rəsmi Vaşinqton bir müddət əvvaəl Ermənistan Konstitusiya Məhkəməsinin protokolların mahiyyətini dəyişdirən qərarını da tənqid etməmişdi. Üstəlik bu azmış kimi, bütün günahları Türkiyə tərəfinin üzərinə atmışdı. Bu gün Avropa Birliyi də Amerikanın diqtəsi ilə Türkiyəni məcbur edir ki, qondarma "erməni soyqırımı"nı tanısın, xaç qardaşları ilə, Ermənistanla əlaqələr qursun.

Bəli, bu gün Türkiyənin dövlət maraqları təhlükə altındadır. Qərb və Amerika bütün gücünü öz dövlətinin marağından çıxış edən baş nazir Rəcəb Tayyib Ərdoğanın hakimiyyətdən kənarlaşdırılmasına yönəldib. Bunun üçün hər vasitədən istifadə edilir. Özü də elə şəkildə ki, sərhədlərin açılması məsələsinin sadəcə bir bəhanə olduğu açıq-aşkar görünür. Çünki ABŞ hökuməti, Avropa Birliyi Ermənistanın birmənalı şəkildə Rusiya tərəfindən idarə olunmasını çox yaxşı bilir. Və başa düşür ki, hətta sərhədlər açılsa belə Ermənistanı Rusiyanın təsirindən çıxara bilməyəcək. Eyni zamanda onu da bilir ki, Ərdoğan hökuməti heç vaxt Türkiyənin milli və dövlət maraqlarına zidd addım atmayacaq. Və ona görə də onu məhz bu kimi həssas məsələlərdə güzəştə getməyə məcbur edir.

Əslində Birləşmiş Ştatların Türkiyənin indiki hökumətinə, eləcə də İrana qarşı tutduğu mövqenin səbəbləri tamamilə aydındır. ABŞ hökuməti və Avropa Birliyi onların hər cür ədalətsizliklərinə, bəd niyyətli hegemonçuluqlarına boyun əyməyən güclü müsəlman ölkələrinin mövcudluğu ilə barışmaq istəmir. Türkiyə və İranın əsassız yerə ittiham edilməsi, əslində müsəlmançılığın, İslamçılığın ittiham olunmasıdır. Və Amerikannın növbəti səlib yürüşünə xəbərdarlıqdır.

Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-10-2019 11:50



  (+994 55) 786-96-84

  [email protected]

Valyuta.com

Рейтинг@Mail.ru