Mütəxəssislər, TV, kompüter asılılığı və hərəkət azlığı səbəbiylə uşaqlarda artan "kilo" probleminə qarşı xəbərdarlıq edir. Yaxınlarda bu cür uşaqlar daha çox görünəcək.

Mövzuyla əlaqədar açıqlama verən Hacettepe Universiteti Səhiyyə Elmləri Fakültəsi Fizika Müalicə və Reabilitasiya şöbəsindən Prof.Dr.Gül Baltaçı, "Uşaqların daha yaxşı böyümə və inkişafları üçün kiçik yaşlardan etibarən nizamlı olaraq idman etmələri olduqca faydalıdır" - deyə bildirib.

İdman hərəkətlərinin, əyləncəli və ictimai bir mühit yaratdığı üçün uşaqlarda ictimai şəxsiyyət və özünəinamı erkən formalaşdırdığına diqqəti ıçəkən Baltaçı, "Buna görə, xüsusilə inkişaf etmiş ölkələrdə hər cür infrastruktur yaradılıb, uşaqların mütəşəkkil bir şəkildə idmanda iştirakları hər il artmaqdadır" - deyə bildirib.

Baltaçı daha sonra belə davam edib: "Çox gec qalmadan, hərəkətə keçilməlidir, yoxsa TV, kompüter asılılığı və hərəkət azlığı səbəbiylə uşaqlardakı kilo probleminin qarşısıı almaq olmayacaq. Nizamlı idman edən uşaqların, TV və kompüter qarşısında keçirdikləri vaxt azaldığı üçün diyabet və hipertaniya kimi xəstəliklərin meydana gəlmə riski azalır. Ayrıca, sümük və əzələ quruluşundakı güclənməyə bağlı olaraq, eyni yaş qrupunda hər hansı bir məşqlə məşğul olmayan yaşıdlarına görə, daha sağlam və dayanıqlı olarlar."

Məşqlərə uşağın ailəsi və müəlliminin dediklərini anlayacaq qədər böyüdükdə, dərhal başlanması lazım olduğunu vurğulayan Baltaçı, uşaq və gəncləri bir çox fərqli idman sahəsi üçün xəbərdar etmək lazım olduğunu söyləyib.

Böyümənin ən sürətli dövrdə yəni qız uşaqlarında 9.5-15 yaşa, oğlanlarda isə 11-17 yaşa qədər uşaqların qorxmadan, zövq alaraq idman edəcəklərini bildirən Baltaçı, sözlərini belə tamamlayıb: "Ayrıca olaraq, 2-5 yaş arası üçün ən uyğun məşqlər atma, tutma, qaçma, sıçrama, 6-9 yaş arası üçün müəyyən məsafəyə atma, bir topa vurma və idmanın təməl hərəkətlərinə keçişləri təklif edirik. 10-12 yaş arasında isə basketbol, futbol kimi idmanları ehtiva edən kompleks bacarıqlarına yönələ bilərlər."