Faktxeber.com-un verdiyi məlumata görə, Yəməndə Aden şəhərində seçki məntəqələrinin birində partlayış baş verib.

Hökumət nümayəndiyilindən verilən məlumata görə, hələ ki, zərərçəkənlər barədə məlumat yoxdur: «Hadisənin baş verdiyi binanın divarı zədələnib, partlayışın dalğasından qonşu binaların pəncərələri sınıb».

Qeyd edək ki, bu, Yəməndə prezident seçkiləri ilə əlaqədar Adendə baş verən ilk partlayış deyil. Fevralın 14-də  intiharçı seçki komissiyasının binasının yaxınlığında özünü partlatmışdı. Hücum nəticəsində kamikadzedən başqa heç kim zərər çəkməmişdi.

Xatırladaq ki, fevralın 21-də Yəməndə cəmi 1 nəfərin -Əbdu Rəbbi Mənsurun namizəd olduğu «prezident seçkiləri» keçiriləcək.

Xatırladaq ki, Əli Abdulla Saleh  noyabr ayında öz səlahiyyətlərini adıçəkilən namizədə vermişdi.

Emilya