Beynəlxalq reytinq agentliyi olan Standart & Poor, Rusiyada 2012-ci ildə 3,5 faiz artım olacağını açıqlayıb. İlin ilk yarısında dinamik artım qeydə alınacağı, ikinci yarısında isə artımın bir qədər azalacağı bildirilir.

FaktXeber.com-un verdiyi məlumata görə, Rusiya iqtisadiyyatının yüksək səviyyədə sənaye istehsalı, istehlakçı tələblərinin artması və azalan işsizlik səbəbindən 2011-ci ili 4,2 faiz artımla başa vurduğunu söyləyən Standart & Poor, həddindən artıq səviyyədə nağd valyuta çıxışı və sərmayə mühitlərində gözlənilən müsbət dəyişikliyin yaranmaması, artımda sabitliyə maneə yaradır.

Keçən il ölkədən 84 milyard dollar nağd valyuta çıxarıldığını açıqlayan S&P, bunun ölkə tarixinin ən böyük ikinci səviyyəsi olduğunu bildirir.

S&P-yə görə, prezident seçkilərindən sonra yaranacaq yeni hökumətin strukturunun islahat mövzusunda nə qədər istəkli olacağı naməlumdur.

Leyla Tağızadə