Faktxeber.com-un verdiyi məlumata görə, Honkonq Administrasiyasının gələcək rəhbəri siyasətçi Henri Tanın villalarının birində yeraltı obyekt tikdirməsi siyasi qalmaqala səbəb olub.

Yeraltı anbar hovuzun altındadır ki, bu da tikinti normalarının pozulmasıdır.

Birinci dəfə zirzəmi barədə məlumat gedərkən, Tan bunun sadəcə çala olduğunu bildirmişdi.

Lakin sonradan qəzetlər yeraltı zirzəminin daxili planını yaydılar. Burada aydın görünürdü ki, tikilidə cakuzi və daha bir neçə iri otağın tikilməsi gözlənilir.

İntensiv tənqiddən sonra Tan zirzəminin həyat yoldaşının idyeası ilə tikdirdiyini bildirib. O, jurnalistlərə yalan demək məsələsini isə inkar edərək, əslində həyat yoldaşını ittihamlardan qorumaq istədiyini vurğulayıb.