FaktXeber.com xəbər verir ki, Yeni Azərbaycan Partiyası müxalifət partiyalarını maliyyə hesabatları təqdim etməyə çağırıb.

"Azərbaycanın hakim partiyası hər il öz illik hesabatını, o cümlədən maliyyə hesabatını açıqlayır. Biz maliyyə hesabatını açqlamaqla siyasi partiyalara nümunə göstəririk. Müxalifət partiyaları da haradan maliyyələşdikləri ilə bağlı öz hesabatlarını göstərməlidirlər", - Trend-in məlumatına görə, bunu bazar ertəsi jurnalistlərə açıqlamasında YAP- ın icra katibinin müavini Siyavuş Novruzov deyib.

İqtidar-müxalifət dialoquna toxunan Novruzov bildirib ki, YAP Azərbaycanın taleyi, ümumi məsələləri ilə bağlı dialoq aparmağa həmişə hazırdır.

"Siyasi partiya o demək deyil ki, düşmənçilik aparılmalıdır. Siyasi partiya dövlətin, hökumətin idarə edilməsində alternativ təkliflərini verməlidir. Yoxsa, bunların ancaq bir fikri var - nə olursa-olsun, Azərbaycanda gərgin vəziyyət yaransın və bunlar hakimiyyətə gəlsinlər. Bu, qeyri-konstruktiv mövqedir. YAP-ın parlamentdə təmsil olunan partiyalarla çox geniş əlaqələri var, birgə tədbirlərdə iştirak edir. Parlamentdə təmsil olunmayan müxalifət partiyalarında normal bir adama rast gəlmək olmur ki, onunla dialoq aparmaq mümkün olsun", - YAP rəsmisi əlavə edib.

Nicat Xaliqoğlu