Faktxeber.com-un verdiyi məlumata görə, 37 yaşlı Melissa Morris qeyri-rəsmi olaraq Ginnesin Rekordlarını təzəyələyib. Düz 227 kq arıqlayan bu xanım tamamilə başqa bir insana çevrilib.

Amerika telekanallarının birində verilişə çıxan 37 yaşlı Melissa Morris bir neçə il əvvəl 317 kq olduğunu bildirib: «Lakin həyatım təhlükə altında olduqda  mən arıqlamağı qəti qərara aldım. Beləliklə də, 217 kq çəkidən qurtuldum».

Melissa uşaq vaxtı da dolubədənli olub. Lakin 10 il bundan əvvəl evləndikdən sonra, çəkisi inanılmaz sürətlə artmağa başlayır: «Həyat yoldaşım bizneslə məşğul idi. Mən də nümunəvi evdar qadın kimi yoldaşım üçün mümkün olan bütün ləzzətli yeməkləri bişirirdim, bu arada özüm də dadmağı unutmurdum».

Evləndikdən 3 il sonra Melissanın çəkisi 300 kq-a çatır.

Onun həyatında dönüş nöqtəsi isə anasına baş çəkməyə gedərkən baş verib. Belə ki, Melissanın anası mədə xərçəngindən əməliyyat olunmasına baxmayarq, xəstə halı ilə  hər dəqiqə durub «acmış» qızına yemək hazırlamaq məcburiyyətində qalıb.

Vicdan əzabı çəkən Melissa  evə qayıdandan sonra həkimə müraciət edərək qarın nahiyyəsindən əməliyyat elətdirir.

Nəticələr inanılmaz idi: O, il ərzində 113 kq arıqlamışdı, özü də çəki yenə sürətlə  azalmaqda davam edirdi.

Əməliyyatdan keçən 5 il ərzində Melissa 227 kq piydən azad olub.

Emilya