Faktxeber.com-dan verilən məlumata görə, Rusiya Müdafiə Nazirliyi  2012-ci ildə istifadə müddəti qurtarmış 1,7 milyon  sursat məhv ediləcək.

Müdafiə nazirinin müavini ordu generalı Dmitriy Bulqakov məhv edilmənin 46 hərbi poliqonda  partlatma yolu ilə həyata keçiriləcəyini bildirib.

Bu işdə 13 min hərbçinin iştirak edəcəyini deyən general, əsgərlərin cəlb olunub-olunmayacağı barədə bir söz deməyib: «2013-cü il yanvarın 1-nə kimi məhv ediləsi 1,762  min ton hərbi sursat qalacaq. 2014-cü ilə kimi Müdafiə Nazirliyinin anbarında  ancaq birinci və ikinci kateqoriya sursatlar qalacaq».

Buqalkovun sözlərinə görə, hərbi arsenalda 6 milyon ton hərbi sursat var, onların yarısının istifadə müddəti qurtarıb. Rusiya Silahı Qüvvələrinin islahatları çərçivəsində 3 milyon ton saxlanılacaq.

Hərbi sursatların partladılma yolu ilə məhv edilməsini ekspertlər tənqid edir. Onların sözlərinə görə,  bu, bir çox hallarda instruksiyanın pozulması ilə nəticələnir: «Bu da partlayışlara gətirir. Nəticədə günahsız insanlar həlak olur».

Əli Hüseynli