Faktxeber.com-un verdiyi məlumata görə, fransız alimlər maraqlı kəşf ediblər. Belə ki, delfinlər yuxuda ikən balina və qağayıların səsini çıxardırlar.

Elmi eksperiment zamanı zooloqlar  bir gecəliyinə delfinlərin yanına mikrafon qoyublar. Lent yazısına qulaq asarkən isə bu maraqlı kəşf meydana çıxıb.

Maraqlıdır ki, alimlərin müşahidə elədikləri delfinlər heç vaxt azadlıqda olmadıqlarından  qağayı, yaxud balinaların səsini eşidə bilməzdilər.

Alimlər bunu sevimli heyvanların gündəlik çıxışları zamanı okean  təəssüratı yaradan səsli lent yazısı qoyulması ilə əlaqələndiriblər.

Bu təcrübə ilə də aydın oldu ki, onlar gündüz eşitdikləri səsi, gecə yuxuda təcrübə edirlər.

Ehtimal ki, delfinlər məhz bu yolla gündəlik informasiyaları mənimsəyə bilirlər.

Qeyd edək ki, əvvəllər yaddaşın bu xüsusiyyəti ancaq insanlarda müşahidə edilirdi.

Aysel