“Ümid Partiyası Qarabağ Bloku çərçivəsində fəaliyyət göstərir və Qarabağ Blokunun 2013-cü ildə keçirilən prezident seçkilərində iştirak etmək niyyəti var.” Bu sözləri Ümid Partiyasını sədri İqbal Ağazadə FaktXeber.com-a açıqlamasında bildirib.
Namizədin kimliyinin partiyanın nizamnaməsinə uyğun olaraq Qurultayda təyin olunacağını söyləyən İqbal Ağazadə, növbəti Qurultayın may ayına qədər keçiriləcəyini qeyd etdi.
Digər müxalifət nümayəndələrinin vahid namizədlə bağlı təkliflərini dəstəkləyəcəklərini də vurğulayan İqbal bəy, bu təşəbbüsü əvvəldən dəstəklədiklərini bildirdi: “Müxalifətin vahid namizədlərindən biri də Ümid Partiyasıdır.”
Qeyd edək ki, 2013-cü ildə ölkədə növbəti prezident seçkiləri keçiriləcək. Seçkilərə 2 ilə yaxın vaxt qalmasına baxmayaraq, bu yöndə müzakirələr indidən başlayıb.