KXCP mətbuat xidmətindən FaktXeber.com-a daxil olan bəyanatda bildirilir ki, bəşəriyyət yarandığı vaxtdan insanların inancı olub və davam etməkdədir. Hətta, SSRİ kimi qaniçən imperiya insanların dini inanclarına müdaxilə etdi, imanlı insanları təqiblərə və işgəncələrə məruz qoydu, xüsusən də islama çox təziqlər göstərdi və sonda məhv olub tarixin arxivinə qovuşdu. Heç kimə sirr deyil ki, dövlət hakimiyyətini qeyri-qanuni yolla ələ keçirən Əliyevlər rejiminin, görünür ən çox çəkindiyi, qorxduğu qüvvə dindarlardır. Represiyalar, qanunsuz həbslər, təqiblər və digər metodlarla mömin insanların inancına, əqidəsinə, dini yaşam tərzinə müdaxilə etməkdə davam edir, gah məscid və mədrəsələri sökdürür, gah hicaba qarşı çıxır, gah da azan səsini boğub-ləğv edir. Yasamalda yerləşən məscid-mədrəsəni dövlətin güc strukturlarının əli ilə bağlatdırıblar. Adı çəkilən bu məsciddə əsasən yasamal gəncləri yığılır-namaz və ibadətlə məşğul olurlar. Halbuki bu gənclər bir neçə il öncə narkomaniya və bu kimi pis vərdişlərin alüdəçisi idilər. İndi isə Allah dərgahına-haqq yola qayıdıb ibadətlə məşğul olurlar. Bunun nəyi pisdir?! Pis vərdişlər bəlkə bu iqdidarı daha da varlandırır-onlara gəlir gətirir. Məscid və mədrəsələr isə bu hakimiyyəti stabil və qanunsuz gəlir mənbələrindən məhrum edir. Dinə və insanların əqidəsinə müdaxilə etmək olmaz! Mənsəb sahibi olanlar, Allahın qəzəbindən qorxun! Bu insanlar haqq yoldadırlar onları yollarından sarpdırmayın. Respublikamızın milli gəlirləri hədsiz dərəcədə artıb- karbohidrogen resurslarından başqa, əlvan metallardan; qızıl, platin,gümüş və ilaxir qiymətli mədən hasilatının xalqdan gizlin mənimsənilməsinə millətimiz biganə qalır, ancaq onun əlindən-mənəviyyatını almağa dözməyəcək. Yəqin ki bunlardan nəticə əldə edəcək "işbazlar" öz çirkin əməllərindən əl çəkib, bağlanmış Yasamal məscidini açacaqlar. İnsan cəfəngiyyata yox-Allaha iman gətirirlər.

Müzakirələr zamanı növbəti görüş  2012-ci ilin yanvar  ayının 6-na təyin olunmuşdur.

Nicat Xaliqoğlu