Avstraliya zooparklarının birində maraqlı bir hadisə baş verib. Belə ki, Elvis adlı timsah parkda iş görən fəhlənin əlindən otbiçən maşını alıb. Səbəbi isə maşının səsinin onu qıcıqlandırması olub. 5 metrlik alliqator elə sürətlə  və  gözlənilmədən öz yuvasından çıxıb aparatı ələ keçirir ki, işçi hadisəni sonradan anlayır. Timsah bundan sonra hovuzun dibinə girərək, bir saatdan çox apparatı saxlayır.

Hadisənin şahidi olmuş parkın menecerlərindən biri Tim Folkner bildirib ki,  Elvisin yemək vaxtı gəlməsəydi, onu əmanət edilmiş inventarın sonunun nə olacağını düşünmək belə istəmir.

Timsahı kenquru ətinin köməyi ilə hovzun əks istiqamətinə cəlb etmək mümkün olub. Heyvanın başının qarışdığını görən  Folkner cəld suya tullanaraq, otbiçən maşını götürüb.

Menecerin sözlərinə görə, timsah aparata ciddi xəsarət yetirsə də özü öz cəzasını alıb, belə ki, iki dişini itirib.

Zooparkın işçilərinin sözlərinə görə 50 yaşlı Elvis hər zaman əsəbi xüsusiyyəti ilə digərlərindən fərqlənib.

Nərgiz Kazımlı