Faktxeber.com-un verdiyi məlumata görə, Pakistan yenə də jurnalistlər üçün ən təhlükəli ölkə kimi tanınıb.  Bu il adıçəkilən dövlətdə xidməti vəzifəsini yerinə yetirən 7 jurnalist həlak olub.

Nyu-Yorkun Jurnalistlərin Müdafiəsi üzrə Komitəsinin dərc elədiyi  hesabatda göstərilir ki, cari ildə  ən çox müxbir – 18 nəfər  Yaxın Şərq və Şimali Afrikada həlak olub.

2011-ci ildə ümumilikdə bütün dünyada 43 jurnalist zorakılığın qurbanı olub.

Bundan əlavə, jurnalistlərin xidməti vəzifəsini yerinə yetirmək üçün xüsusi təhlükəli yerlər siyahısına  Liviya və İraq (5 jurnalist həlak olub), həmiçinin KİV-in üç nümayəndəsinin həlak olduğu Meksika da daxildi.

Hazırda komitet  daha 44 jurnalistin peşəkar fəaliyyəti ilə əlaqədar həlak olub-olmadığını araşdırır.

Hesabatda cari ildə 8 onlayın-jurnalistin adı da açıqlanıb.

Bunlardan biri də  Nueva-Laredo şəhəri yaxınlığında başsız bədəni tapılan meksikalı repartyor  Mariya Elizabet Masias Kastrodur. 39 yaşlı jurnalist sosial media saytlarında xəbərləri  işıqlandırıldığı üçün öldürülmüşdü. Komitetin bildirdiyinə görə bu, dünyada, sosial şəbəkələrdə  jurnalist materiallarını dərc etdiyinə görə öldürülən  ilk jurnalistdir.

Qeyd edək ki, Nyu-Yorkun Jurnalistlərin Müdafiəsi üzrə Komitəsinin dərc elədiyi  hesabat digər bu kimi təşkilatların təqdim etdikləri sənədlə uyğun gəlmir.

Çünki  hələ sentyabr ayında Venada mərkəzləşən  Beynəlxalq İnstitut (IPI) 9 ay ərzində öz xidməti vəzifəsini yerinə yetirən  82 jurnalistin adını açıqlamışdı.

Emilya