FaktXeber.com-un verdiyi məlumata görə, Almaniyada VDM nəşriyyatı tərəfindən İngiliscə nəşr olunan kitab ABŞ-da və Avropada son aylarda ən çox satılanlar siyahısındadır. Kitabda amerikalı və türk terror mütəxəssislərinin yazıları yer alıb.

2,5 MİLYARD DOLLARLIQ GƏLİR

NATO -nun 2007-ci ildəki İqtisadi Komitə toplantısının məlumatlarına görə də, qeyri-qanuni narkotik sənayesi PKK-nın ən qazanclı kriminal fəaliyyətidir. Pakistandakı narkotikin xam istehsalından, İraqa gətirilməsindən, küçələrdə satışa çıxarılmasından, PKK tərəfindən gətirilməmiş narkotikə Avropada yüksək "vergi" qoyulmasına qədər, təşkilatın narkotik ticarətinin hər mərhələsində iştirak etdiyi bildirilir. Öz nəzarətindəki bölgələrdən narkotikin keçidində tətbiq etdikləri "vergi" və bu qaçaqmalçılığı həyata keçirənlərdən sərhədlərdə aldıqları xəraclar, bu terror təşkilat üçün çox əhəmiyyətli bir gəlir qaynağıdır. PKK terror təşkilatının bu sahədə illik gəliri 50-100 milyon dollardır. Başqa mənbələr isə bu gəlirin 500 milyon avro ilə 2.5 milyard dollar arasında dəyişdiyini söyləyir.

SİCİLİYA MAFİYASI KİMİ

Yvon Dandurand və Vivienne Chin tərəfindən hazırlanan və BMT Narkotiklə Mübarizə Mərkəzinə (UNODC) təqdim edilən "Terrorizmlə digər cinayət növləri arasındakı əlaqələr" hesabatında bu ifadələr var: "Aparılan araşdırmalara görə, PKK və kürd qrupları arasındakı əməkdaşlıq Siciliya mafiyası ailələri arasındakı əməkdaşlığa bənzəyir. PKK narkotik ticarətinin istehsalından bazarda satışına qədər, hər mərhələsində iştirak edən çoxşaxəli bir təşkilat kimi işləyir. İlk mərhələ Pakistandan gələn morfindən istehsalın aparıldığı laboratoriya mərhələsi, son mərhələ isə təşkilat tərəfindən müəyyənləşdirilmiş satıcılarla Avropa küçələrində satışın aparılmasıdır.

İMMİQRANT BAZARINA NƏZARƏT EDİR

İmmiqrant daşınması və insan alveri PKK-nın narkotikdən sonra ən çox gəlir gətirən fəaliyyətidir. PKK saxta pasport və vizalarla qeyri-qanuni köç və immiqrant daşınması fəaliyyətlərini icra edir və xüsusilə də Almaniyadakı immiqrant bazarına nəzarəti əlində saxlayır. Avropaya saxta pasportlarla daşınanlara təşkilata yaxın dərnəklərdə iş sözü verilir. Bu şəxslərə bir iş tapıldıqda isə "üzvlük haqqı" adı altında PKK üçün xərac toplanır.

Bütün bu deyilənlər yeni nəşr olunan "THE PKK" adlı kitabda yer alıb. Kitabın iki amerikalı redaktoru terror mövzusunda mütəxəssislikləri bütün dünyada qəbul olunan Nyu York Universiteti Terrorla Mərkəzi rəhbəri prof.Charles Strozier və Kinkinnati Universitetinin professoru Ceyms Frankdır.

Cavad Turan