Faktxeber.com-un verdiyi məlumata görə, Xorvatiyada  məhkəmə 15 futbolçu və  idman məmurlarına oyunun nəticələrini əvvəldən təşkil etdiklərinə görə həbsə məhkum edib.

Təqsirləndirilən şəxslər  Milli Çempionatda  8 oyunu razılaşdırılmış şəkildə əvvəlcədən müəyyən edilmiş nəticələrlə bitirməkdə və bundan sonra daha üç oyunu belə keçirmək cəhdində ittiham olunublar.

Məhkumların çoxu 10 ay həbs və 250 min dollar  cəriməylə cəzalandırılbalr. Qeyd edək ki, futbolçular fırıldaq baş tutacağı halda məhz bu məbləğdə gəlir əldə etməyi düşünürmüşlər.

Fırıldağın təşkilatçıları olan 1 xorvatiyalı və 2 sloveniyalı hər biri 1 il müddətinə azadlıqdan məhrum olub.

Alman polisindən alınan məlumatla bəlli olan fırıldağın araşdırması düz 2 il çəkib.

Qeyd edək ki, bunlardan əlavə  daha iki yüksəkçinli futbol məmuru rüşvətdə ittiham olunaraq həbs olunması barədə də məlumatlar var.