FaktXeber.com-un verdiyi məlumata görə, "Tokioda basabas" adı altında Mixael Volf  metro şüşələrinə sözün həqiqi mənasında yapışmış insanların fotolarını çəkib. Volf bir çox müxtəlif  girişlərdən istifadə edərək, müasir şəhərlərdə axan insan enerjisini göstərmək istəyib. Onun şəkilləri özünəməxsusluğu və qeyri-adiliyi ilə insanları heyran edir.
Hər gün çoxsaylı insan kütləsi bu yeraltı «cəhənnəmə» girir və bu dar yerdə şüşə, polad və insanlar arasında sıxılaraq iş yerinə, yaxud da evlərinə gedirlər.

Mixael Volfun  fotolarına bu əzaba dözən saysız-hesabsız insanların sifətləti həkk olunub. Ən maraqlısı isə odur ki, Volfun fotolarında qəzəbli simaya rast gəlinmir. İnsanlar bu işgəncəni əsəbsiz və tam sükutla qarşılayırlar.
İnsanlar üçün bu vəziyyət o qədər adiləşib ki, onlar qeyri-adi formada musiqiyə qulaq asa, kitab oxuya, hətta mürgüləyə bilirlər.

Yaponların metrodakı vəziyyətini görüb bizim metroya şükür etmək istəyirəm və “Bəxt üzüyü” filmindən Polis İdarəsindəki səhnəni sizə xatırladıram:

- Ayə Moşu, bizim Söyünə şükür, bu lap dəliymiş ki!

Doğrudan da şükür ki, bizi metroda bu günə salmırlar.

 Əziz Sahiboğlu