İnternational Media Support (İMS) öz layihəsi olan Azərbaycan Media  Mərkəzinin (AMM)  yerli media təşkilatı Reportyorların Azadlıq və Təhlükəsizlik İnstitutu (RATİ) ilə birləşməsini elan etməkdən məmnunluq duyur. 2012-ci ilin yanvarından etibarən, Azərbaycan Media Mərkəzi RATİ-nin Azərbaycanda ifadə azadlığının inkişaf etdirilməsi üzrə genişləndirilmiş proqramına paralel olaraq, RATİ vasitəsilə media və vətəndaş cəmiyyəti üçün məkan və xidmətlər təmin edəcəkdir.

2008-ci ilin oktyabrında yaradılmasından etibarən, Azərbaycan Media Mərkəzi (AMM) 600-dən yuxarı tədbirə ev sahibliyi etmiş, sosial mövzular və mətbuat azadlığı üzrə 40 debat və 30 ictimai müzakirə təşkil etmişdir. Mərkəz ümumilikdə təqribən 15 min nəfərə tərəfindən ziyarət edilmişdir.  Bununla yanaşı, AMM internet televiziyasının fəaliyyətinə imkan yaratmış, burada 30-dan yuxarı canlı internet debatları keçirmiş, 20-dən yuxarı təlim sessiyası təşkil etmişdir ki, bunun da yarıdan çoxu nüfuzlu beynəlxalq mütəxəssislər tərəfindən həyata keçirilmişdir. Tələb səviyyəsi yüksək olan mövzularda təlimlər keçirilmiş və hər bir təlim modulu Azərbaycan mediasının spesifik ehtiyaclarına həsr edilmişdir.

Azərbaycan və onun xaricində yaxşı təşkil olunmuş AMM öz tərəfdaş şəbəkəsini genişləndirməkdə davam edir. Dünya Qəzetlər və Xəbər Naşirləri Assosiasiyası, Beynəlxalq Tədqiqatlar və Mübadilə Şurası (İREX), Açıq Cəmiyyət İnstitutu, Deutsche Welle Akademiyası, Avropa Şurası və peşəkar standartları təbliğ edən digər media təşkilatları AMM yaranandan etibarən, onunla əməkdaşlıq edirlər.

İMS hesab edir ki, Azərbaycanda fəaliyyətini yenidən qurmağın vaxtı çatmışdır. Mərkəzin sonda yerli Azərbaycan mediasının mülkiyyətinə keçməsini nəzərdə tutan əsas plana uyğun olaraq, AMM hazırkı ünvanını boşaldacaq və  nisbətən gənc, lakin sürətlə böyüməkdə olan media təşkilatı - Reportyorların Azadlıq və Təhlükəsizlik İnstitutu ilə birləşəcəkdir. Cəmi bir neçə il ərzində RATİ medianın qorunması ilə məşğul olan bir QHT-dən Azərbaycanda azad medianın inkişafına ədalətli yanaşması olan sağlam düşüncəli və aktiv təşkilata çevrilmişdir. Bu birləşmə Azərbaycan mediası və vətəndaş cəmiyyəti üçün göstərilə bilən xidmətlərin miqyasını genişləndirməklə yanaşı, ölkədə azad və müstəqil mətbuatın inkişaf etdirilməsi üçün əlavə töhfələr verəcəkdir.

Birləşmə haqqında daha ətraflı məlumat almaq üçün İMS Azərbaycan layihə meneceri Gülnarə Axundova (Tel: 012 493 25 22), yaxud RATİ sədri Emin Hüseynov  (Tel: 050 398 4838) ilə əlaqə saxlaya bilərsiniz.
AMM (www.mediacenter.az), IMS (www.i-m-s.dk ), və RATİ  (www.irfs.az) haqqında ətraflı məlumat almaq üçün onların veb saytlarını ziyarət edə bilərsiniz.