Bu gün Reportyorların Azadlıq və Təhlükəsizlik İnstitunun ofisində Redaktorlo Birliyi növbəti dəfə yoplaşıblar
15-11-2011 / 15:27
FaktXeber.com-un verdiyi məlumata görə, konfransda "Turan" İnformasiya Agentliyinin rəhbəri Mehman Əliyev, "Azadlıq" qəzetinin baş redaktoru Qənimət Zahid və ölkənin tanınmış digər ictimaiyyət və media nümayəndələri iştirak ediblər. Konfransda "Xural" qəzeti ətrafında baş verən hadisələr, qəzetlə bağlı "Xural" qəzetinin əməkdaşlarının apardığı alternativ istintaqın nəticələri, "Gündəm" qəzetinə qarşı baş verən təzyiqlər və ölkədə fəaliyyət göstərən saytlara qarşı təşkil olunan hücumlar zamanı MTN-nə müraciət edilməsi ilə bağlı müzakirələr aparılıb.
İlkin olaraq çıxış edən Mehman Əliyev, qəzetlərdə yayımlanan məqalələrdə jurnalistika prinsiplərinə əməl olunmasının zəruri olduğunu qeyd etdi. Mehman Əliyev qəzetlərə qarşı basqılarla bağlı DİN-ə etdikləri müraciətlərinə əsassız faktlarla cavab verildiyini bildirib.
Sonra çıxış edən "Xural" qəzetinin əməkdaşı Anar Mahmudov Əvəz Zeynallıya qarşı aparılan istintaq zamanı kobud hüquq pozuntularına yol verildiyini bildirib. Anar Mahmudov, Əvəz Zeynallının telefonun həbs olunmamışdan qabaq bir ay müddətinə qədər dinlənildiyini qeyd edərək, hazırda "Xural" qəzetinin əməkdaşlarına hamısının telefonunun dinlənildiyini bildirib. İstintaq zamanı Əvəz Zeynallının üzünə duran şahidlərə qarşı təzyiqlərin olduğunu qeyd edən Anar Mahmudov, bununla bağlı əllərində kifayət qədər faktların olduğunu vurğulayıb.
"Azadlıq" qəzetinin baş redaktoru Qənimət Zahid, Əvəz Zeynallının müdafiəsi ilə bağlı qəzet və elektron KİV-lərdə geniş müdafiə kampaniyasının təşkil olunmasının zəruriliyini bildirib.
"Xural" qəzetinin redaktoru Nurəddin Xoca isə hazırda Əvəz Zeynallının 5 nəfərlə üzləşdirildiyini söyləyərək, həmin şəxslərdən ikisinin Əvəz Zeynallıya qarşı heç bir şikayətlərinin olmadığını bildirib.
Dizayn :Networkbil.net . 2009 FAKTXƏBƏR . Dərc olunan materilların mətninə görə, redaksiya heç bir məsuliyyət daşımır. Saytdakı materiallardan istifadə edərkən istinad zəruridir.