Uşağınızın hələ körpəykən cisimləri sol əlində tutması uşağınızın solaxay olacağını bildirmir. Aparılan araşdırmalara görə, uşağın 3-4 yaşına çatana qədər hansı əlindən daha çox istifadə edəcəyi müəyyən olmur. Lakin uşağın hansı əlini istifadə edəcəyini anlamaq üçün  sadə testlər keçirmək olar.

- Uşağın qələmi, qaşığı, çəngəli hansı əliylə istifadə etdiyinə diqqət olunmalıdır.
- Uşağa bir cisim uzatdıqda hansı əli ilə uzandığına diqqət yetirin.
- Uşaq tullanarkən, ya da tək ayaq üstündə dayanarkən hansı ayağını seçdiyinə baxın.

Ana-ataların ən çox etdiyi səhvlərdən biri də uşağın solaxay olmasına qarşı çıxmalarıdır. Bunlar içində ən əhəmiyyətlisi uşağın sağ əlini istifadə etməyə məcbur edilməsidir. Bu bir xüsusiyyətdir və dəyişdirilməməlidir.

Burada əhəmiyyətli olan valideynlərin istiqamətləndiyi əldən çox uşağa rahat olan əli istifadə etməsidir. Solaxay uşağın əl seçimi dəyişdirildikdə ciddi problemlər yarana bilər. Daha çox rastlaşdığımız problemlər isə alt islatma, nəcis qaçırma, dırnaq yemə, kəkələmə və məktəbə getməyi rədd etməyə qədər uzanan məsələlərdir. Həmçinin solaxay uşaqların sağ əllərini istifadə etmələri istiqamətindəki təzyiqlər uşaqlarda qavrama çətinliklərinə səbəb olur.

Bədəninin sol tərəfini istifadə edən fərdlər beyinlərinin sağ yarımkürələrini də istifadə edirlər. Bu da uşağın əyani qəbulunun üstün olduğunu səbəbindən musiqiyə, sənətə və rəsmə olan uyğunluğunu göstərir. Solaxay uşaqların daha müvəffəqiyyətli olduğu, hətta bir çox yaradıcı sənətkarların da solaxay olduğu unudulmamalıdır.

Nərgiz Kazımlı