Mütəxəssislər, yay tətilinin sona çatması, yeni dərs ilinin başlaması, iş tempinin sıxlaşmasıyla başlayan yeni dövrdə stressə qarşı qidalanmanın də əhəmiyyətli olduğunu söyləyib. Fəsil dəyişərkən insan özünü yorğun, halsız hiss edir. Yayın bitməsi, fiziki fəaliyyətlərin azalması, havaların soyuması kimi səbəblər iştaha təsir edir. İnsan bədənində müxtəlif fizioloji dəyişikliklərə səbəb olan bu keçid dövründə qidalara diqqət yetirilməlidir.

- Badam: Bədən və zehin yorğunluğunu aradan qaldırar. İçərisindəki B və E vitaminləri ilə zəngindir. Eyni zamanda xolesterini salır, infarktı 50 faiz azaldır.

- Çuğundur: Çuğundurun tərkibində A, B, C vitamini, kalium, natrium, maqnezium, fosfor, sink, dəmir, kalsium mineralları var. Sinirləri sakitləşdirir və yüksək təzyiqi salır.

- Qatıq: Nizamlı olaraq qatıq yemək stressin mənfi təsirlərini aradan qaldırır.

- Nar: Kalium və dəmir mineralı ilə C vitamini baxımından zəngin olan nar, B1, B2 vitaminləri ilə kalsium və fosfor minerallarına da sahibdir. Bədənə enerji verir, yorğunluğu aradan qaldırır.

- Portağal: Başda C vitamini olmaqla B və E vitaminləri baxımından zəngindir. Sinirləri yatırır və yorğunluğu aradan qaldırır.

- İspanaq. A, C, E və B qrupu vitaminləri baxımından zəngin olan ispanaq, bədənin dayanıqlılığını artırır, bədənə qüvvət verir, yorğunluğu aradan qaldırır, stressi məğlub etməyə kömək edir.

- Zəncəfil: Bədənin müqavimətini artırır, fiziki və zehni yorğunluğu aradan qaldırır. Zəncəfil kökü ümumiyyətlə qurudularaq ədviyyat olaraq istifadə edilir. Yaş olaraq da istifadə edilə bilər.

- Üzüm: Bol miqdarda B və C vitaminləri olan üzüm, E vitaminləri və bir çox mineralları var. Bədənə və beyinə qüvvət verir, stressi azaldır.

1- Nizamlı qidalanın. Gündəlik qəbul etdiyiniz qidaların müxtəlif olmasına diqqət yetirin. Ətin əvəzinə bitki mənşəli qidaları yeyin.

2- Gündə 2 - 2,5 litr su için.

3- Gündəlik qidanızda çörək və taxıl qrupu qidaların olmasına diqqət yetirin.

4- Hər gün mütləq təzə tərəvəz və meyvə qəbul edin.

5- Hər gün orta səviyyədə fiziki fəaliyyətlə məşğul olun.

6- Yağlı ət və ət məhsulları əvəzinə toyuq əti və ya quru paxlalıları seçin.

7- Yarım yağlı və ya yüngül süd məhsulları istifadə edin.

8- Şirin və şəkərli məhsulları məhdudlaşdırın.

9- Gündəlik qəbul etdiyiniz yağ miqdarına nəzarət edin. Yağdan gələn enerji miqdarının cəmi enerjinin 30 faizdən çox olmamasına diqqət yetirin.

10- Gündəlik duz qəbulunu azaldın.

Nərgiz Kazımlı